طردني من بيتي

علاقتي مع زوجي معدومة بسبب عدم رغبته العاطفية .... زاد ذلك سفرة الطويل.... واثناء سفرة عملي ارسلني لحضور دبلوم سافرت واخذت اولادي بعد ماسمحلي ولكن الصغير لم يتاقلم مع الجواء فرجع عند اخوي جزاه الله كل خير مع خدامه.....واثناء السفر علمت من اختي ان زوجي عاد من السفر وانه غير عملة واستقر فرحت كلمته وخبرته انو حابة انقل اغراضي للبيت اوسع على اهلي... ولم يرد علي بشكل واضح...كررت الاسئلة بالايميل ليييييييييييييييييين انا متعودة على الشي هذا ...... واخيرا رد علي ولكن ماراعى انو انا بالغربة لوحدي ورمضان وامتحانات وتقارير ارفعها للعمل وتعب ..... قالي ماابغاك ترجعي!!!! راح اطلقك ودوريلك على زوج يحس فيك لو رجعتي البيت ماراح اقدر اسعدك وراح نعيد موال المشاكل...

بعد تسع سنوات صبر لسى خطر في باله انه ظالمني.... قلتلة انا مو هامني الطلاق بس مافكرت باولادك.... يموووتون عليه مدري على ايش..... قال ياانا يانت في البيت....المشكلة الثانية اهله ماراح يصدقون انه طردني لانهم دايما راحمينه ....
الي اتمناه انو يااخواتي تدعون الله يسهلي امر دراستي على الاقل ارجع بشي احس اني ضايعة من غير ام الله يرحمها ولا اخوات فاضيات....غربة وتعب ومذلة وبعيدة عن اولادي
الله يجزاكم خير
والله مقهورة تسع سنوات شفت منه ومن اهلة الذل ولا مرة فكرت ادخل اخوي وابوي احتراما له...ولحدالحين اتطلبه يتفاهم معي لو بالمسنجر يقول لا الي عندي قلته وانا مسؤوول عن مدارس الاولاد... يعني كان مافي مدارس حكومية... تخيلوا اقوله مااقدر اجلس في بيت اهلي ضيقت عليهم وراتبي مايسكني الا بشقة صغيرة وبعيدة عن اهلي والشقق خطر علي وعلى الصغار ... ولا كاني اتكلم حتى ماقال بساعدك ادور على سكن مناسب ,,, والقهر يقول انا ماطلبت الي اني اشوف الاولاد بين شهر وشهر يااااااااويلي وين قلبك ... ومهما كانت شخصيتي في السعودية الحرمة ماتقدر تسوي كل شي لحالها من بودي الاولاد للمدرسة واغراض البيت ووووو لو اجيب سواق وين بحطه بالشقة

الله يعين ..اللله يرجعني ويسهلي دراستي . طبعا هذا الكلام من 3 اشهر تقريبا ومن بعدها ولا اتصال ولا شي ... حتى اقولة انت مضايق اني سافرت كلها دبلوم وارجع بعد كم شهر يقول لا انا كنت متشجع تروحين عشان نبعد عن بعض وارتاح .... حسبنا الله ونعم الوكيل يظن ان الحرمة بعد ماتتطلق سهله عليها تدخل رجال على اولادها هذا اذا في بعد احد يتقبل الحرمة باولادهااا.


الله يوقفقم يابنات ويسخرلكم اوواجهم
حسيت معي احد.....
دايما الغلط على الام مهما سوت ....اااااه اهله اتوقع مبسوووووووووووطين بالقرار لانهم كاني معارضين اني اشتغل
الله يقويني ولا انذل له......وانجح متفووووووووووق يااااااارب هذا اهم شي ادوعولي
والقالي سكن قريب لبيت اهلي...والباقي ينحل