طرق أعجبتني لطلب فلوس من الزوج
كيف تطلبين الفلوس من زوجك من غير مايعصب
أصعب شيء على الزوجة هو أن تطلب فلوس من زوجها يعني فلوس إضافيه بعد ما خلص مصروفها عشان كذاجبت كم حركه تاخذين منها المبلغ اللي تبينه و زوجك فرحااااااااان
أكيد الحين تقولون شلووووون ؟؟ الحين بقول لكم ..
1-قومي بطبخ طبق رئيسي يحبه زوجك و طبق سلطة و اذا ما تعبتي بعد شوربة ، ولا تنسين تغسلين المواعين و القدور عشان المطبخ يصير نظيف و تفتكين المهم و بعدين حطي على طاوله صغيرة عندج شرشف حلوو او أي قطعه قماش ساتان و حطي مزهريه صغيرة و فيها وردة طبيعيه أو صناعية ، و الحين جاء دورك البسي قميص ابيض ساده ضييق و تنوره سوداء ساده و ضيييقه و اذا حبيتي شريطه أو ثوب أحمر ولا تنسين جوراب بيج و حذاء كعب و ارفعي شعرك عشان تمثلين دور النادله بالضبط اللي تقدم الطعام بالمطعم .....
و اكتبي على الباب مطعم الدلع او الحب او اسمكـ او مطعم الرومانسيه أي شيء
استقبليه بابتسامه و قولي له (( تفضل سيدي )) هو راح يستغرب بس بيمشي معاكـ و لما يقرب من الكرسي انتي بعدي الكرسي عن الطاوله عشان يصير مجال يجلس و بعدين قولي له (( الليله اطباقنا هي وقولي
اللي أنتى طبختيه )) شنو تحب أطلب لك ؟؟ طبعا هو من الزهقه بيقول كل شيء ، و جيبي له السلطة بالبدايه و بعدين الشوربه و بعدين الطبق الرئيسي و طول ماهو ياكل لا تجلسين لالالا ظلي واقفه "لازم التعب لأن الفلوس بتنسيك كل شي " و بعد ما يخلص شيلي الصحون و جيبي له فاتورة نقديه و قيمتها المبلغ اللي تبينه و هو بيستحي او بيظن انك تلعبين معاه و بيعطيك الفلوس....... بس بعدين لا ترجعينهم له
2- الطريقه ثانيه بعد حلوووووة و هي انكـ اما تلبسين تنوره سوداء و قميص ابيض او حتى انكـ تلبسين لبس صيني حلووو و و جهزي مترس على الأرض و اذا تحبين على السرير و حطي على الباب ورقه مكتوب فيها (( اهلا بك في عالم المساج .. للدخول أدفع مبلغ ......... )) و حطي له ظرف يحط فيه الفلوس و استلميه قبل لا تسوين له مساج "خليك ذكية ومبدأك الدفع اولا" /
3- الطريقه الثالثه بسيطة جدا و هي انكـ تكتبين له رساله حلوووة فيها صور حلووة و كلمات رومانسيه و تعبرين عن احتياجك للفلوس و ترسلينها على ايميله .
4- و تقدرين بعد ترسلين له مسج انكـ محتاجه الفلوس بس مستحيه تقولين له و ضيفي على المسج شويه من توابل الحب ، و على فكرة يفضل ترسلين له المسج و هو موجود بالبيت و انتى بعد بس مثلا انت بالمطبخ و هو بالغرفه ، و بجي لكـ و على وجهه ابتسامه و في يده الفلووووس .
تمنياتي بالسعادة
منقووول لعيونكم
حرف.الغلا @hrfalghla
محررة ذهبية
يلزم عليك تسجيل الدخول أولًا لكتابة تعليق.
الوان قوس قزح
•
حلوووووووووووووة يسعدك ربي
رمانه❤️
•
لا والله ما اسوي كذى أحسن شي اجلس على راسه اطلب اطلب اللين يعطيني ليش اتعب وامثل دور الخادمه عشان يرضى علي ويعطيني اعز نفسي افضل
خشخيش
•
وانا والله انزل كرامتي ليش كني شحاذه بقوله باسلوب بدون لف اودوران تخيلي يجيك ثاني يوم ونتي مو مجهزه شي لا اكل ولاشي بقول وقت الفلوس مجهزه كل شي والحين لا
بصراحة حبيبتي الطريقتين الأولانيات ماحبيتهم أبد ، خير ان شاء الله امثل نادلة عشان اخذ منه فلوس!! وأصلا أصلا ليش كل هالدوخة واللف والدوران يا اخي ابي فلوس وخلاص بلا مزهرية ووردة و قميص ابيض وتنورة سوداء يا الله!! والله اذا بسوي هالحركة كل يوم ( وانا اصلا ابي فلوس كل يوم ) بيكون خلاااااااااااااص كرهت الفلوس ولا عاد ابيها ههههههههههه عشان كده تبقى الطريقتين الثالثة والرابعة اسهل واحلى و يعطيك العافية على النقل حبيبتي..
الصفحة الأخيرة