والله قبل ماكنت اهتم بالعين

لكن هاذي الايام صرت اخاف من العين وبقووووه

طريقتي ::: آخذ مثلا فنجال اللي شاكه فيها واغسله واتوضاء منه

ان شاء الله تكون صـــح ...

أهم حاجه الرقيه الشرعيه والله يحمينا ..!!

ياحبيلك والله كنت اقول مثلك وسوسة وما ادري ايش
وخوالي دايما اذا اجتمعنا او جاهم ضيوف وراحو اخذوا من اثرهم و وكانوا يتمسحون فيه ويشربون منه وكنت انا حامل وحالتي حالة تعرفين تعب الحمل وش يسوي بالوحدة تذبل وتنهد وكان معي فقر دم شديد كل شهر تقريبا غذايات حديد ووجهي اسود من التعب ومن التعب حتى مكياج ماحطيت الكحل ولا الروج ماطب وجهي يعني معدمة من جد تعبانة ونفسيتي مع الحمل دماااار
المهم ذاك اليوم اجتمعوا وكالعادة قالوا اشربي انا رفضت وقلت يع والله انكم موسوسين فكانو يقولون لي ناخذ ناخذ ترياق الحية قبل سمها او يمحي سمها او لدغتها مثل زي كذا بس ما اتذكر وشو
المهم قاموا يقولون لي يالخبلة يامهبولة ومثل هالكلام وانا مكانك سر مصممة ما اشرب لا مابي وقلت وبعدبن وش بيحسدوني عليه؟؟ حالتي حالة ورقبة سودا وتعب ومتسدحة ومتبطحة من التعب ومهملة حالي من التعب وكرشة كاسره ظهري يعني وش بيحسدوني عليه؟؟ اني حامل؟؟ الحمدلله كلهم زوجات وامهات عيال وش بيحسدوني عليه!! والله وتقوم امي وتجمع من الغسال في يدها وهم في ضجة ولجه هالمهبولة منتيب صاحية اذا اخذتي منه وشربتي ان مانفعك ماضرك واللي تقول لاتشربين مولازم بس على الاقل امسحي به جسمك وانا رافضة واقول والله انكم فاضين ومن هالكلام شوي الا امي هي وخالتي وهم يضحكون ويستهبلون تمسكني خالتي تقول مير عناد لك اليوم منتيب طالعة الا واحنا راشين عليك وانا استهبل واقولها وخري يابنت الحلال ترى بطني عورني<انصب الله يهديني ابيهم بس يخلوني انا وكرشتي المهم تاخذ امي المويه وترشها شي خفيف وتمسح على صدري وعلى وجهي وانا اقول الله يحوم كبودكم والله شوي الا ذاك الغضب وذيك الضيقة والزعل ينجلي والله كذا صنمت وسكت بصراحة ارتعت بسم الله كيف ووشلون اكلم نفسي بس عندهم ساكته يوم لاحضوا علي الذهول واني سكتت بعد ماكنت اجادلهم وزعلانه قالوا لي وش تحسين؟ سبحان الله كان على صدري مثل الجبل اللي طاااااااااااااح حسيت الثقل اللي كان على صدري راااح وحسيت بانشراح وراحة وهدوء في نفسيتي الحمدلله والله ارتحت وحسيت سبحان الله وامي تمسح جلدي يكش شعر يديني يوقف سبحان الله ارتحت وبعدها صرت من احرص الناس على اخذ الاثر حتى لو ماشكيت العين حق يختي
لكن لين الحين قاعدة اعاني والله يعين اسفة على الاطالة بس حبيت انبهك تسوين زي كذا بالضبط ترى والله مايحس بالنار الا واطيها الحين اروح لرقاة وحيل اتعب ادعيلي يا اختي

الناس الاغراب الافضل ماتشربين بس تستحم الوحدة فيهم لكن الاقارب واللي متاكدة انهم متعافين اشرب منهم

:(

يعطيك ربي العافية