طرق ازالة الشعر من المنطقة الحساسة

هناك عدة طرق لازالة الشعر من المنطقة الحساسة :

1-ازالة الشعر بالشمع او الشيرة :تختارين نوعية شيرة زينة عشان ما تأذيج. وتاخذين قطعة صغيرة وتبتدين بالشيل ابتداء من الخلف وبعدين تشيلين من تحت ليه فوق. تبقى لج ما بين الافخاذ تشيلينه. وبالأخير تصير المنطقة ناعمة وتبقى نظيفة لمدة اسبوعين أو 3 اسابيع.
اذا بتستخدمين شمع اتأكدي من درجة حرارته عشان ما تسبب لج حروق . وانا بصراحة ما أحب الشمع البارد لانه يسوي لي فوضى .

ملاحظة: يقال ان اخذ مسكن للألم(مثل البنادول وغيره) قبل الشيل ب 20 دقيقة يخفف الالم . وسمعت ان وضع معجون اسنان كذلك يخفف الالم .لحد يجرب انا بجرب واقول الكم اذا ينفع ولا لاء. ولا تخافون ترى الالم عند الشيل مو وايد نفس ما تسمعون بالبداية تتألمين وبعدين تتخدر المنطقة . ولما تتعودين بيصير عادي.

2- استخدام كريم ازالة الشعر : يوجد كريمات خاصة لهذه المنطقة وتخلي المكان ناعم بس ليومين ثلاث ويرد يطلع(Nair bikini creme/ sally hansen lotion hair remover) وييجون بروايح حلوة بعد .هذي الطريقة حق اللي مالها خلق الألم .


3- ازالة الشعر بالشفرة :طبعا الشفرة يفضل تكون جديدة .بللي الجلد وضعي عليه كريم مخصص للحلاقة . شدي المنطقة الي بتحلقينها وابدأي بالحلق .اذا في مكان يتطلب اعادة حلاقته ضعي الكريم عليه مرة ثانية .اشطفي المنطقة بالماء ونشفيها . ثم ضعي عليها زيت او مرطب. وطبعا يظهر الشعر عقب يومين ثلاثة. ديري بالج تحلقين والمكان ناشف بدون كريم . لا تحلقين اذا كنتي تبين تسوين (scrub)عقب .لان الحلاقة اهي بنفسها تسوي تقشير.افضل شي منتجات Gillette for Women Venus
تخلي الجلد ناعم.

عطوني رايكم وقولولي اذا عندكم افكار جديدة.

سلام