طرق اعداد الرشاد للنفاس

الحمل والإنجاب

السلام عليكم ورحمة الله وبركاته
اخواتي بارك الله فيكن
اتمنى كل وحدة تقولي طريقة اعدادها للرشاد في فترة النفاس
لاني والدة من 12 يوم وما اعرف غير طريقة وحدة اسويها بنفسي
وهي اللي نسويها بالسمن والطحين والبهارات
شو هي الطرق الثانية لانها طريقتي لو كثرت منها وزني ما بينقص لانه وزني زايد اكثر من 20 كيلو وللحين ما نزل غير 7 كيلو
انا ما افكر في الرجيم لاني ارضع ولدي
انا اسمع انكم تشربون الرشاد مع الحليب ومرات تخلطونه مع التمر
يا ريت تعطوني طريقتكم

للعلم انا فالصيف سافرت للسعودية ومن الرياض اخذت رشاد قصيمي من محل السنيدي
هل ينفع لاني الاحظ لونه بني فاتح مش احمر مثل اللي عندنا بالامارات


ومشكورات مقدما
6
9K

يلزم عليك تسجيل الدخول أولًا لكتابة تعليق.

تسجيل دخول

أميرتهـ
أميرتهـ
رففففع لعيونك

ربي يهونها علي ويسهل ولااااادتي
@الملاك الصغير@
انا الطريقه اللي اعرفها انك تجيبي تمر منزوع النوى ودقيق محموس وسمن بري او زبده وتخلطينها على نار هاديه لين تتجانس وبعدين تضيفين حب الرشاد وتاكلين منها مه قشر القهوه او شاي الاعشاب او الحليب زي ما تحبي
ام مريومة الحلوة
مشكورات خواتي اللي رديتو
ونطمع فالمزيد ان شاء الله
لمسات شوب
لمسات شوب
اعجنيها بالتمر بس لازم تشربي برتقال او ملينات لانة يسبب امساك
رنوده3
رنوده3
مرحبا سويه مهلبية بالرشاد
الطريقه :
كاس ونص ماء - 2 ملعقه كبيره حليب بودر - ملعقه كبيره سكر او حسب انتي ماتحبين السكر -نص ملعقه اوربع ملعقه قرفه مطحونه-ملعقه كبيره مهلبيه كسترد الصفراء معروفه -حب رشاد ملعقه كبيره مغسول ومشخول ويذا حبيتي ضيفي عليه شوي زعفران او ماء ورد او كلهم مع بعض

توضع المقادير كامله على النار وتحرك حتى تثقل بس لا تخليه ثقيل زي المهلبيه لا خليه اخف من المهلبيه شوي سائل وبس اشربيه كيذا حار اودافي اذا عجبك تقدرين اتزيدين المقادير وتصبينه في ترمس وتشربين كلما شتهيتي وبالعافيه




ان شاء الله طريقتي تعجبك