مساء الخير
هذي طرق عمليه وبالصور
تساعدك بالترتيب السريع والمنظم
واللي يكفل لك ايجاد أغراضك وملابسك في خلال ثانيه وحده
وتعتمد على تحديد درج أو زاوية دولاب لكل لون على حده
وكل شي مع ملحقاته بدرج بروح
مثلا :
1) انك تخبين كل اللي على التسريحه والكومدينات بالادراج فتكون فاضيه من فوق
وهذا يسهل لك مسحهم يوميا
تريحك نفسيا وتبهج الناظرين
وتعطي انطباع ان الغرفه مرتبه على طول
ويمنع الزوار من انهم يشوفون اغراضك وكريماتك وماركاتك وأسرارك وتكاتك
شرح الصوره:
كل شي مخبأ بالأدراج و الغرفه مرتبه ترتيب فندقي فهي فاضيه ولاينشاف فيها غير الخشبيات والمفروشات
فيها مرايه اضافيه
تساعدك على الأناقه والانتباه للبسك وتناسقه وعيوبه ومزاياه من كل الجهات وفيه مثلها ثلاثيه وتساعدك بامتياز
الشراشف والكفرات :
اطويها تحت الماترس بشكل ثابت
هذا يسهل لك ترتيب السرير بدقيقه وحده المرات الجايه
ومريح للعين ويعطي انطباع فندقي رايق
دولاب ملابسك وملابس عيالك وجوزك:
لايبين فيه الـا الجديد واللي بقراطيسه
أما
الملابس المغسوله وكثيرة الاستعمال والبيتيه والأقدم فالأقدم :
سواء جوارب / اندرات/ بجايم / بلايز / عبايات الخ
1) اخفيها بأكياس وشنط ذربه كل لون بجنطه نفس لونه بشكل يخفيها عن العين
بهالحاله بيتحول دولابك لفاترينة مول الجديد بالمقدمه والأقدم بجناط ودراج واكياس قماشيه او عاديه
وتطوينها بدرج جنب الجديده
مثلا درج الجوارب الجديده وجنبهم كيس مطوي للجوارب القديمه وهكذا باقي الانواع
عند شراء الخشبيات :
راعي انها تحتوي على أكبر كميه من الأدراج
هالشي يساعدك على ترتيب كل نوع بدرج
وكل لون بدرج
مثلا درج للعطور
درج للفحم والبخور
درج للأمشاط والسشوار وماشابه
درج للأرواج الشفافه والفاتحه
درج للأرواج الغامقه والوانها المتشابهه
درج لقطن ومناديل الوجه
درج للشباصات والتوك
درج للبنسات ودبابيس الطرح
درج للمقشرات
درج لكريمات الاساس
ورتبيهم الجديد واللي بكرتونه ظاهر والأقدم بجنطه او علبه علشان مايبين
والحين قارنوا التسريحه الفاضيه وسهلة المسح اللي فوق بمنظر التسريحه المليانه واللي لازمها ترتيب ومجهود يوميا
والطريقه تنفع للملابس ولاحظوا ان الترتيب بالطول احسن من تكديسهم فوق بعض
وتنفع لمطبخك فكل دولاب لنوع قلايات / جدور / أطقم / الوان متشابهه /
اجهزه متشابهه باللون/ بهارات متشابهه باللون/احجام متشابهه حبوب متشابهه الخ
لنقل الخشبيات من مكان لمكان داخل البيت :
شيليهم درج درج ووصليه للمكان المقصود
بعدها شيلي الهيكل بكل سهوله وخفه أوحطي قطعة قصدير أو قطعه بعجلات تحت الارجل هذا يخفف ويسهل الدفع
ولوعندك عربة فانقلي الادراج ومحتوياتهم فيها
وهالطريقه صحيه بدال لاتنكسر الايد اوالظهر لاسمح الله
وتنفع للأشياء الثقيله خيشة عيش طحين سكر خشبيات سجاده اجهزه ملابس جناط سفر وتخزين وكل شي
الجناط والمحافظ والأسلاك:
يفضل انك تحفظين الجناط وترتبينهم بنفس طريقة المحلات
لأن بعض الجلود المدبوغه تغير لون الجناط اللي جنبها وعن التقشرات
وعموما كل شي تشترينه رتبيه بنفس طريقة المحل لأن طرقهم ماجات الأ بعد دراسات وتجارب لغاية ماوصلوا للطريقه الانسب
للترتيب والتخزين والشحن
ولاحظوا ان اخوانكم يحتفظون بكرتون الايفون وملحقاته علشان يكون مرتب ويجيب سعر وقت البيع
من طرق الترتيب :
وضع كل شي بكيس
هالشي يسهل ايجاده وترتيبه ويحفظه عن الغبار والسوائل والرطوبه
ويارب الموضوع يعجبكم
جزاك الله خير