طرق التعارف ،،ساعدوني لابعد الخجل

شوفي اختي

من واقع تجارب البنات بشكل عام.. العمل و المدرسة و كثرة الزيارات تكسر حاجز الخوف او الرهاب..

انت ابدئي باجتماع بسيط بينك وبين وحدة من صديقاتك.. مو في بيتك.. لا في مكان نسائي عام..(بازارات.. مركز اسلامي.. مركز تعليمي..)

اطلعي من جو الغرفة و الهدوء.. شوفي الناس كيف تتعامل مع بعض..

ابحثي عن فرص وظيفيه في المدارس .. لا تقولين الراتب ما يسوى.. انت بس اطلعي من جو الهدوء السلبي.. وادخلي في جو الناس.. وراح تتغيرين..



::::::::::::::::::::

فكرة ايحائية جميلة

خذي ورقه واكتبي عليها

أنا خجوله.. وبعدين تأمليها لثواني.. ثم شقيييييييييييها شقا مبرحا>>> ^_^ ثم ارميها ..
بكذا راح توحين لنفسك انك تركتي هالصفه بقوة.. وتمشين نحو التغير للافضل



الله يسهل امرك..

اهلا بك اختي

اول شي لازم تزيدي ثقتك بنفسك .. يختي شوفي فيه ناس عندهم ثقه زايده بانفسهم يعني مثلا يقعد بعض الناس يتكلم في موضوع ما له اي علاقة فيه و يتصور انه احسن واحد يحلل و يفكر و يعلق.. انا ما ابغاك زيهم بس الثقة بالنفس مطلوبه.

ثاني شي يا اختي الكريمه ابداي بالتعبير عن رايك لاقرب الناس لك و اللي تمونين عليهم يعني مثلا خواتك او امك و عبري عن افكارك زي ما تبين .. لا يردك خوف او حياء دامك تتكلمين بما لا يخالف شرع الله..

بعد ما تاخذي على الكلام و التعبير عن نفسك ممكن تبدئين تتكلمين مع زوجك في موضوع من اهتمامه و شاركيه الرأي و لك كامل الحق في ابداء رايك بكل ذوق و ادب.

اذا تعودتي على كذا لفتره راح يسهل عليك تبدئين محادثة مع الاخرين.. انصحك بعد كذا انك تتدربين على انك تسولفين مع ناس ما تعرفينهم نهائي , يعني مثلا شفتي وحده في مستوصف ممكن تسولفين معها ولو بشكل مختصر.. اهم شي انك تاخذي على الحكي مع الناس..

لو تعودتي بيكون مررره سهل انك تتكلمين مع اي شخص و امام مجموعه ايضا..

ما انسى اقولك انه مرررره مهم يكون الوحده عندها ذوق بالكلام و اسلوب حوار هادي و ما تتردد او تقاطع او ترفع صوتها..

بدايتك بالكتابه هنا في المنتدى اتوقع بتساعدك ان شاء الله

اطيب التحيات لك اختي

:26:

الله يوفقك على مشاركتك وأعطاء نصيحتك
***** الله أخذ بهذي النصيحة بس فكرة الورقة
غريبة حسويها

شكرأ لك يارماد الحياة بس تعرفين عندي
صديقةواحدة من الدراسة وفي النادر ماتتصل
بس انا الي اتصل فيها في بعض الوقات
وأزورها في مناسباتها ولاعمرها زارتني
مع العلم أنها تستطيع الزيارة وأقول يمكن عندها
عذر عشان لاأخصرها لو مكاني ايش تسوي
هذا لكل من يقراء موضوعي

غيري نكك ....... والبنات ما قصرواااااااااا