طرق الوقاية من التحرش مهم لكل ام

بحكم اني مدرسه واخت وخاله وجاره والحمد لله ومتصفحه للنت لاحظت شي مهم وهو نسبة التحرش فالصغيرات نسبه كبيرة جدا جدا والله فوق ما تتصورون فيه من الصغيرات من تتكلم وفيه من تكتم في نفسها وفيه من تنحرف وفيه من يتغير طبعهاوتصير شرسه وفيه من تقوم هي بالتحرش في الي مثل عمرها ... وياما مسكنا في المدرسه بنات لقيناهم مفصخات ومع بعض ... طيب ما سألتوا نفسكم اش طرق الوقاية من تحرش الصغيرات ؟؟؟

1/ اول شي خليك نفسيا غريبه من البنت يعني حسسيها انك مهتمه بمشاعرها ، مثل اذا طاحت او تعورت اجري عليها وبينيلها خوفك مع حنانك واسأليها ياماما اتعورتي سلامات يا قلبي انتبهي لأني احبك ، كرري دائما على مسامعها انك تحبينها وحتى لو سوت تصرف اغضبك اصحك تقوليلها ما احبك ، قوليلها انا احبك بس ما احب تصرفك وضحيلها السبب
واسمعي مشاكلها حتى لوكانت تزعجك عشان تتعلم انها تحكيلك كل شي

2/ ابدئي دربيها على لبس العباية من 8 سنوات وتسعه لازم تلبسها . يا اختي لا تقولي صغيرة ابدا لا والله انتو ما تشوفوا
كيف السواقين آخر الدوام في الصرفة كيف يطالعون فيهم بياكلونهم .

3/ اختاري ملابسها بعناية ، فيه ملابس جميلة وساترة وفيه ملابس فاضحة نعم فاضحة مثل ان تلبس الصغيرة بنطلون استرشت وتكون البلوزة قصيرة وضيقة ، او عريان او يكون الفستان قصير علميها الحشمة والحياء لأنها صفة جيدة ومفيدة

4/ حذريها انها ما تروح مكان الا تستأذنك حتى لو مع ابوها اخوها خالها عمها ؟
ويجي دورك انتي انك ما تخليها تنفرد مع خالها او عمها لا تقولين اخوي واثقه منه وهكذا اقسم بالله اني اعرف وحده خالها الصغير وداها لعيال اغتصبوها وقبل مده قريت فالمنتدى الحرمه الي اخوها الي عمره 24 تحرش في بنتها وقريت تحقيق صحفي ان الخال هو الأكثر نسبة في نسب التحرش يعني اذا رحتي بيت اهلك لاتاخذك السوالف وتنسن بناتك
اطلعي كل شوي وشوفي البنات وين واش يلعبون بطريقة غير مباشرة
وقوليلها اذا ولد ناداك من العيله لاتروحينله وحذريها من السطوح المخزن البلكون الحوش وفهميها لو احد قرب منك وكنتوا لوحدك تقله ابتعد راح اقول للجميع وانا من الي ولد الجيران كان كبير وناداني بحجة انه كان يبغى يعطيني حلاوة وكان عمري ثمان سنوات ودخلني حوش مهجور جنب بيتهم والحمد لله ربي ستر علي بس قبلاته القويه ما انساها واذكر اني ما قلت لأمي لأنها ما كانت قريبه مني ابدا ابدا وان نفسيتي تدهورت جدا
بينما اختي كان ولد خالي يبات عندنا وفاليل اذا الناس ناموا يناديه وتخيلوا يغتصبها ويهددها ولا علمت امي والى الآن ترفض الزواج بشدة وهي تقول ان امي اكيد ما تصدقني وبتهاوشني

5/ لا ترسليها البقالة ابدا ابدا ولو قدام بيتكم ، اعرف وحده فقدت بكارتها بسبب بنغالي البغالة .

7/ فهميها اماكن العورة وان هاذي المفروض ما يمسكها احد ابدا لأنها عيب وحرام

8/ لا تخليها تبات عند احد حتى لو فبيت اهلك اوعند اختك ترى الصغيرة امانة ولا تقولون تعقيد لا ماتدرين فالليل اش ممكن يصيرلها .

9/ احذري من التلفاز والأفلام واحذري من قناة نوكلودبا للأطفال وكذلك النت


10/ علميها ما تتكلم مع الرجال الغرباء ابدا ولا تروح معاهم لوحدها حتى لو كانوا اصحاب ابوها

10/ واهم شي كل صباح تحصنينها وتعلمينها كيف تحصن نفسها عشان الله يحميها

اخواتي الموضوع للفائدة نسأل الله السلامة لبناتنا وبعض الطرق درسوها البنات في حصص الريادة الصف الرابع والخامس والسادس
الي حابه تضيف شي اتمنى ماتبخل علينا لأن الموضوع مهم جدا واصبح منتشر كثير كل يوم نسمع حالة تحرش واغتصاب وانتقلت للمدارس كذلك