طرق تساعدك في رمضان وتختصر الوقت وتهيئ لك وقت للعباده خاصه العاملات

أخواتي هذي أفكار وطرق تساعدك في رمضان وتخلي عندك وقت للعباده والراحه .

ومابي منكم الاالدعاء لامي بالرحمه والمغفره وهداية زوجي وعيالي وقضاء الدين عنا وسعة الرزق.

التفريز مره رهيب يوفر الوقت فرزني (السنبوسه بانواعها_ الكبه وكفتة الحم وكفتة البطاطس _والسبنق

رول _ البف _ ورق العنب_ والملفوف _ والبف باستري تحشينه وتفرزنينه_ سنبوسة الحلا الصغيره تحشينها جبن او مكسرات _ المنتو الكذاب _والمطبق_

الحشوات تقدرين تسوينها وتفرزنينها _الشوربه تقدري تسوي كميه حقت اربع ايام وتقسمينها وتفرزينها

بس لاتحطي ملح او بهارات اذا طلعتيها وحميتيها حطي فيها _ الكشنه تقدري تسويها بكميه كبيره

وتقسمينها حسب طبخك باكياس_) .

مقادير الكيكه او البسبوسه اخلطي المقادير الناشفه وحطيها بكيس كل كمية مقدار بكيس والحليب

احمسي كميه وحطيه بعلبه وحطيه بالثلاجه والبسكوت اطحني كميه وحطيه بعلبه وتقدري تحطي كل

حبة بسكوت بكيس خلطتة السينبون اخلطي كميه وحطيها بالفريزن . التمر فصمي كميه واعجنيه وحطيه

بعلبه وسكريها زين وتقدرين تكورين كميه من التمر وتغلفينها بجوز الهند او السمسم او أوريو وتحفظينها بعلبه.

العصائر سويه باليل وحطيها بجيك قزاز له غطاء او استخدمي الجيك البلاستك لاكثر من استخدام ,انا افضل

تستخدمي العصائر الطازجه أصح ومغذيه اكثر.

وتقدري تسوي صينية الخضار او المسقعه او المكرونه البشمل اومكرونة الفطر او الزانيا من اليل

تساويه كامله ماعدا تدخيلها الفرن وتحطيها بالثلاجه وقبل الفطور تدخلينها الفرن السلطه تقطعين كميه

تكفيك اربع ايام وتحطيها بالثلاجه بدون الملح او اليمون او اي صوص وتغلفيها كويس تاخذين مقدار

ماتبين حق يوم او تقسمينها بعلب حسب الكميه وتضيفين لها اي اضافه مثل البرغل او الخبزالمحمر او

الذره او الخضار المقليه وبعدين تضيفين لها الملح واليمون او اي صوص.

وتقدري تطبخين كميه من الدجاج اوالحم والمرق للكبسه او المكرونه وتقسمينها باكياس بعد ماتبرد على حسب

مقدار طبختك .

وتفرزنينها وقبل وقت السحور تطلعيها وتحطيها بقدر وتخليها لين تغلي وتضيف الرز او المكرونه او

الخضار الي تحبي توفر عليك الوقت والجهد.

عمل كميه من خبز التورتلاء تكفي لمدة 4 ايام وتفرزنينها وتطلعين قد حاجتك وتسخنينها بالمكرويف او

الفرن وتحشينها اي حشوه تحبينها وتلفينها.

اذا تبين تعجنين عجينتك اعجنيها بعد السحور ولاتكثرين الخميره وحطيها بالثلاجه وقبل ماتشتغلين فيها

بنص ساعه طلعيها وخليها تدفئ في مكان دافي وابدي شكليها , حتى تصلح الطريقه لعجينة القيمات.


استخدام البلاستيك من صحوان واكواب واستخدام صواني الالمنيوم لصواني الفرن .

وللمشروبات الساخنه اكواب الورق.

تنضيف البيت خليه قبل او بعد السحور واهم شي شغل المطبخ لاتراكمينه غسلي اول باول وقلاية

الكهرباء توفر عليك الوقفه قدام القز وتخليك تسوين حاجتين بحاجه.

واذا الماده تسمح دللي نفسك بغسالة مواعين توفر عليك 50% من الكرف.

ياحلوات الي عندها افكار ماقلتها تتفضل وتضيفها علشان نستفيد.

أتمنى أن يبلغكم الله رمضان لافاقدين ولا مفقودين ويتقبل الله طاعتكم وصيامك .