السكري والصقعي والتمر المتمر هو تقريبا الي ما يتغير والا الاصفر على طول يتغير

فرحتيني احسب عندك طريقه

حبيبتي
التمر اللي يتفرزن اللي يكون متمر كامل
ما يكون منصف
المنصف ما يصلح للفريزر يخرب

ومو الحين وقت الفرزنه استني شوي لين يطيح التمر الللي يكون شاد ببعضه

ولازم تنقينه
بحيث التمره اللي تكون رخوه ما تفرزنينها تجمعينهم مع بعض وتشيلين البزر وتستعملينهم للعبيطه

السلام عليكم ورحمة الله وبركاته
شوفي اختي بعطيك طريقة الوالدة الله يطول في عمرها هي اللي تفرزن لنا الرطب

اولا نقي الرطب المنصف ( نصف متمر ونصف بلح ) انا افضل الخلاص صراحة رووووووووعه وممكن الشهل والهلالي بعد
ثانيا عبيه في علب بلاستك محكمة الاغلاق
ثالثا حطيه في فريز مايفتح دائما
رابعا اذا بغيتي تاكلين طلعيه شوي لما يذوب الثلج بعدين صبي عليه شوي ماء وهو في العلبه
خامسا حطيه في صحن التقديم مع كاس اللبن وعليك بالعافية

الصراحة انا جربت طريقة امي وماظبط معاي يطلع متمر شوي بس هي يطلع كأنك جايبته من النخل ما شاء الله تبارك الله
يمكن يعتمد على نوع الفريزر :(

وهذي صورته في العلبة






في امان الله:26:

شوفي حبيبتي أنا طريقتي في حفظ الرطب احفظه في علبة الكرتون
المخصصه لحفظ الرطب وبعدين أحط على وجه الرطب منديل بهذا الشكل



وبعدين اسكر عليه العلبه بإحكام والصق عليها بهذا الشكل



واحفظها في الفريزر بس على فكره زي ما قالوا البنات كثر الفتح على التمر يخليه يسود ويخرب وشوفي هذا رطب انا حفظته من السنه الماضيه ولا تغير شوفي شكله بعد ما طلعت العلبه من الفريز



اتمنى اكون افدتك