افكار روعة الله يجزاكم خير
ويجزا صاحبة الموضوع خير
نبي مزيد من الافكار

ابي استغني عنهن بس اخاف ما اقدر

ماقد جبته ولله الحمد مريت بظروف المفروض 2 مو وحده ، لاكن انا وزوجي كان ولا زال عند اهلينا خدم وعارفين حق المعرفه ان الخدم تعب نفسي ومادي بقوه كل شئ تحت يديهم مكانه الزباله مو الكهربائي ، وتعب انه تشوفينه ياوحده ماتنظف زين لازم تعيدين وراه ، او نظيفه وسنعه لدرجه ومليانه عيوب جوال طلعات وبلاوي وغيرانها تصير مسيطره علي البيت كل شئ تتدخل  فيه من جد قلق
وخاصه لاصارت تطبخ بعد وراه مايزوجونه احد عيالهم وتصير زوجة ولدهم واقصد اللي مافيهم الاالعافيه بنات وامهات تلاقيهم بكل مناسبه ناطين  وبالاسواق يراكضون وين النشاط هذا في البيت 
مو ازواجكم واولادكم اجر لكم مثل اجر المجاهد .
ماتشيل ولافنجان شئ يقهر ، مولاني سنعه واو
ونشيطه لاوالله فيني علل مثل غيري ، وكسوله حدى ، بس متفقين اناوزوجي انه الشغاله ماتدخل البيت ولا بساعه ، 
طيب والحل ؟!
صلاة الفجر بوقته , قراة القران لو3 صفحات ، صلاة الضحى ، الاستغفاروالله عجيب يابنات وانتي تمشين وقاعده وقايمه ، الترتيب والتنظيف اول باول ، طبخ مره باليوم ولامن برى علي حسب الظروف اذارجعت من المستشفي متاخره كذا ، الغسيل والكوى يو م ورى يوم ، يوميا لازم الزباله برى ، المواعين مغسوله والفرن والحمامات تكرمون- 
وترتيب الصاله والغرف - الارض اكنسه بالكهرباء يوميا والمسح يوم ورى يوم واالبقع الجديده بنفس الوقت امسحه - زبالتين وحده لباقي الاكل والثانيه للاشياء الاخرى - ساعدني الاتي من الاجهزه ماشاء الله تبارك الله يأخذن نص الشغل :-
غساله توماتيك - مجفف حراري - غسالة مواعين - ماكرويف - غلايه - قلاية فيليبس بملعقه واحده تريحك من الدجاج والحاله - بس باقي ممسحة السراميك ان شاء بتحويشات الجايه لان بصراحه استغنيت عن اشيآء مقابل اشياء - واهم شئ يكون الاثاث مودرن ماله زواي ولافيه تحف كم لوحه ورق جدران وقطعة موكيت وريحي راسك وحتي التلفزيون بجدار معلق ولوحصل تخلين له فتحه بدولاب من ال بجبس مثلاوهو جوه داخل  واجمل حتي واسلمي من لعبهم بارسيفرات واللجه - حتي الصابون معلق بالجدار الضغط واللي عندهم اطفال يحبو يكتشفوكل شئ ويدمجو ويخلطوا الاشياء خليكم سمبل مثلي خخخ يقول زوجي اابشرى المزهريه اسطوانيه زحاج مترين بالارض  اللي واقفه اقول ماله داعي الله يرضي عليك قبل فتره بسيطه كنت مشغوله وبنتي 
ادخلت بعدالضيوف رجال المهم مادريت انهم راحوا اوجعني قلبي ركضت الا البنت كله دم تقولين سابحه بلون احمر وناظرت اثره مدخله كاسين بعض وانكسرو وجرحت   يده والغريب ان ارض الغرفه موكيت - ودايم طيحات وخاصه علي الراس 
قلت اهم شئ راحتي وش ابغي بشقه كل نص متر 
تحفه شئ بالارض وشي علي الجدار وشي بسماء 
كنه محل موبيت اقل شئ كم بياخذ التنظيف غير انه يعورالاطفال ويخليني مااستقبل ضيوف معينين لان اولادهم مشاغبين ماحد الله - شطحت بعيد بس شئ يقرقع قلت خل افضفض على بنات حواء العزيزات - واهم حاجه مكان الغسيل والكوي حول بعض لوحصل غرفه وحده تختصرين وقت . بس انا عاد بينهم مسافه خخخخخ لاني حاولت يقول الكهربائي مستحيل اسبك لك من جديد مجرى وكذا .. والالعاب لهم مكان مخصص مايتعداه وحطيتهم بالمقلط فرشته بلاستيك ولمايجي احد بيتعشي عندي كلهم بكرتونه والسلام / والاكل حنا في المطبخ بطاوله - واذاجاني اضيوف انادي الاطفال واحط لهم بالمطبخ برضه اكواب ملونه وملاعق والحمدلله مايطلعون الاهم مخلصين وغاسلين يديهم  لاني اخذ بنتي قدامهم وعلي المغسله وهات يامدح ( اياك إعني وإسمعي ياجاره)  قاعده اكتب لكم بالحر بلمطبخ عاد دعواتكن لي بشفاء والهدايه لي ولأحبابي 

هلا اختي لاوانا اختك انا عند اهلي لاشغاله ولاهم والحمدلله ماظرنا شي الله يساعدك ويسهل امرك

بالنسبه للمواعين اللي ماعندها وظيفه الشغله بسيطه
واللي موظفه تنقيع الفطور والغداء الى بعد المغرب مع كلور وفيري
بالنسبه للطبخ برضوه اللي مو موضفه لها حرية الخيار في الطبخ نفس اليوم او التجهيز قبل بيوم والطبخ اليوم التالي
الموظفه تجهيز من الليل ويكون الغداء بسيط وشيء سريع طبخه عشان يمديها ترتاح قبل العصر
الملابس غسيل مره في الاسبوع عودي نفسك كذا موظفه او لا
تنظيف البيت تنظيف عميق يوم الجمعه ومسح مرتين بالاسبوع
نجي للشيء المهم الاطفـــــــــــــــــــــــــــــــــــــــــــــــــــــــــــــــــــــــــــــــال
فكرت في حل واتوقع لو يطبق نص الشغلات برا السعوديه
الحين كل موظفه اكيد لها جاره او اخت او بنت عم اللي هووو يعني مو موظفه
بدل ما تعطين شغالتك اقل شيء 800 ريال اعطيها وحده تثقين فيها وودي عيالك عندها او تجيهم فترة غيابك منها تكوني
اعنتيها بها المبلغ ومنها تطمنتي على عيالك انهم بايدي امينه ومنها سلمنا نص الشغالات بالمجتمع واللي تشوف انها ما تقدر تستغني عن الشغاله نفس الحرمه ودي شغالتك واطفالك عندها وبرضوه بمقابل منعا للاحراج لك ولها
وسلامتكم

شعار انا امكم مو الشغالة ممتاز ههههههههههههههههه راح ارفعه


اخواتي لازم نطبق سنة سيد الخلق في حياتنا واكيد نرتاح التسبيح كلما ذهبننا ننام والمحافظة على الاذكار مع تحسين عادات النوم اي النوم باكر والاستيقاظ باكر



احنا في مجتمعاتنا ظاهرة الشغالات قليلة الكل معتمد على نفسه وكارف بناته هههههههههههههه والي احتاجتها ممكن تجيبها بالساعة لكن نوم مستحيييييل



في رائيي المبلغ الي يدفع للشغالة جيبي به غسالة اطباق وكل الاجهزة الكهربائية الي تسهل الحياة


وعودي ابنائك يساعدو وكل واحد يخدم نفسه


والله يسهل لنا ولكم الخير