الله يعافي ويسلم ويبارك في كل من ردت على موضوعي أو مرت عليه
http://forum.hawaaworld.com/showthread.php?t=3113203
اولا قهوة التويكس :
3 تويكس اصبع واحد - 3 حليب بو مزاز - 3 ملاعق وسط نسكافية - ملعقة وحدة وسط مبيض القهوة
في البداية حطي في الخلاط الكاس التويكس مع علبة حليب وبعدها خلطيهم مع بعض وعلى النار لغاية ما تفور مع التحريك
ملاحظاتي على القهوة
- ثقيلة شوي عشان السكويت وفيها مرورة (ممكن تحلينها )
- اذا ما انخلطت كويس في الخلاط لا تخافين الباقي يذوب على النار .
حلى طبقات الاوريو
http://forum.hawaaworld.com/showthread.php?t=2398302
الفوندو
3 ملاعق نوتيلا - نص مغلف الزبدة الصغير - نص بيالة شاي حليب
على النار شوي لما تسيل بعدين تحطينة في علبة الفوندو وتشغلين عليها الشمعة
السلطة
علبة ذرة - علبة فاصوليا حمرا - حبة خيار مقطعة صغير - فليفلة خضرة مقطعة صغير
جزرة مبشورة - عرق بصل اخضر مغروم ناعم - شوية جرجير مقطع وسط ومثلة كرمب
تخلط المقادير مع بعض ونحط عليها ملح - ليمون - زيت زيتون - صلصة فرنسية (الكمية حسب الذوق )
زينت الوجه بشرايح سنبوسة الي بالزيت قطعتها مربعات وقليتها في الزيت .
سمبوسة بف
كاس طحين ابيض - كاس طحين أسمر - ملعقة كاسترد - بيالة الشاي زيت
رشة ملح - 3/4 كاس ماء ... تعجن المقادير مع بعض ولازم تكون العجينة قاسية شوي
ولما تشكلينها حطي تحتها كيس بلاستك عشان ما تلصق
الحشوة / حسب الذوق
الكفته
دجاجة مسلوقة ومنتفة ومقطعة صغير - 2ملعقة كزبرة خضرة مفرومة - 2 ملعقة بقدونس مفروم
عرق بصل أخضر مفروم - جزرة مبشورة - ملعقة بهارات -رشة ملح (لا تكثرون )- علبة وسط جبن كرفت مبشور
2 ملعقة جبن سايل - 2 ملعقة طحينية - 2 ملعقة مايونيز
تخلط مع بغض وتشكل وتغمس في البيض والبقسماط وتقلى في زيت حامي عشان الجبن ما يسيل .
محشي الكرمب (الملفوف )
استفدت من طريقة الاخوات في تجميد الملفوف في الفريز اول ما تتشترينة بنفس شكله لمدة اسبوع على الاقل
وبعدين احطه في موية الحنفية وخليه يفك الثلج وافتحه حبة حبة واحشيه
الحشوة / احمس بصل والطماط والرز المصري المغسول واحط عليه البهارات وملعقة كبيرة ملح الليمون وربع كاس
زيت زيتون وكزبرة خضراء (اضافة من عندي ) وبعدها ذوبي حبة ماجي على النار مع شوية زيت زيتون وحطيه على
الحشوة .
رصي البطاطس في القدر او الصينية وبعدين المحشي وعلى النار (ماء - ملعقة وسط ملح الليمون - معجون الصلصل
) وعلى النار ذوبي مرة ثانية 2 حبة ماجي مع زيت زيتون وحطيهم على المحشي .
شوربة الخضار
- حطي ماء في القدر لين يغلي .
- قطعي صدر دجاج مربعات ونزلية في القدر حبة حبة عشان ما يتلضق من حرارة الماي
- بعدها حطي 9 ملاع شوفان اذا قدرك صغير
- في قدر ثاني اسلقي 5 جزر - 2 كوسة - بصلة - شوية عروق بقونس وكزبرة
الجزر قطعيه 3 قطع والكوسة بعد والبصل قطعتين والباقي مثل ما هو
-بعد ما ينضجون حطيهم في الخلاط مع ماي السلق اخلطيهم زين وحطيهم على الشوربة
- خذي مغلف واحد شوربة ماجي بالشعيرية وملعقة ملح وحطيهم على الشوربة
وحركيها عشان ما تتكتل الشعيرية
اتركيها على نار هادية ربع ساعة بدون مت تغطين القدر ولا راح تفوض على الفرن
بعدها استمتعي باحلى شوربة
الباستا
المقادير :ـ
2 صدور دجاج ومقطعة بدون عظم .
الخضروات :
2 فص ثوم مفروم ناعم .
2 جزر مقطعة دوائر ناعمة
2 كوسا مقطعة دوائر ناعمة
بصل شرايح طوليه
فليفلة خضراء مقطعة شرايح طوليه .
رشة فلفل احمر مجروش - حبة ماجي - رشة بهارات -
صلصة المكرونة او البيتزا الجاهزة
كيس باستا أو اية معكرونه تحبونها , نسلقها بماء وملح وملعقتين زيت نباتي .
جبنة موزاريلا - حبن شيدرمبشور - بديل قشطة الخفق وهو اطعم من قشطة الخفق
(نص كاس حليب سايل - علبة قشطة - 3 ملاعق حبن سايل ).
- نحمس البصل بزبدة وشوي زيت وبعدين نحط كل المقادير الي في البداية مع بعض
الهدف انهم ينضجون مع بعض وبعدها نحط 3 ملاعق صلصة المكرونة - وبديل قشطة الخفق
والاجبان وآخر شي المكرونة تحركينه شوي وتقدمينه .
الهريسه
نغلي ماي ونحط فيه حب الهريس بعد ما نغسله (وممكن ننقهة قبله بفترة بماي فاتر عشان ما تطول في الطبخ )
- بعد ما يغلون مع بعض نحط حبة ماجي - بصلة مقطعة ارباع - طماطة ارباع - 3 فص ثوم - ملعقة ملح
وعلى طول نحط الدجاج بعد ما نشيل الجلد - بعد مرور ساعة اطلع الدجاج واشيل منه العظم وارجعه في القدر
الهدف من الحركة عشان ما اتبهدل مع العظام لما اضرب الهريس .
انا حطيت ثلثين القدرماي للحجم الي فوق الوسط - و2 كيلة مقياس زبدة بو كرسي .
تركتها على نار هادية وبالقصدير لمدة 4 ساعات زبعدها ضربتها وقدمتها .
حلى الكاسات
-في القاع شريحة كيك سويسرول بالشوكلاته ورشة شراب الهيرشي .
- طبقة ايس كريم (2 ظرف دريم ويب - علبة كبيرة حليب محلى - علبة كبيرة قشطة خفق) اخفقهم واشتغل
فيهم مباشرة قبل ما اجمدهم .
- شوية توفو وجوزة البقان
- طبقة ايس كريم وعلى الوجه رشة فليك وقبل التقديم شوية شراب الهيرشي
واي استفسار انا حاضرة
اطباااق مميزه وتفتح النفس وتشرف
ربي يسلم يدينك