السلام عليكم ورحمة الله وبركآته ..
اليوم وانا اتابع التلفزيون قلبت على قنآة وكان يمشي
فيها برنامج تقريبا اسمه العيادة مااذكر بالظبط الإسم
المهم انه البرنامج كان فيه شخص يتكلم عن معالجة مشاكل البشرةباشياء طبيعية متواجده
في البيت .
وعلى طول اخذت ورقة وقلم وكتبت الوصفات اللي يقولها
ومن باب حب لأخيك ماتحب لنفسك حبيت اعطيكم الوصفات
اللي لحقت وكتبتهاااااا..
تكلم عن معالجة حب الشباب وقال:
عند بداية ظهورها وهي مازالت تحت الجلد تأخذون قطعة ثلج
وتدلكون فيها مكان الحبه وان شاء الله ماتظهر ..
ولإخفاء احمرار الحبه نفسها نغمس عود تنظيف الأذن في
قطرة العين أو الأنف ونضعها فوق الحبه .
واذا كانت عندك مناسبة او مشوار وماتريدين الحبه تظهر
تجيبين حبة اسبرين وتبللينها شوي بقطرات من الماء
مجرد ماتلين وتتفتت وتأخذين عود الأذن وتحطيه في الأسبرين
وعلى الحبه لين يجف .
وتكلم ان البعض مع وضع المكياج تبقى ظاهره الحبوب
ومايثبت المكياج ولعلاج هالشي نأخذ خل تفاح ونمسح فيه البشرة
قبل وضع المكياج .
وذكر أن مغلي الريحان مفيد جدا لحب الشباب
نحطه في بخاخ وكل صباح نرش على الوجه ..
هذا بالنسبة لحب الشبآب..
تكلم كمان عن تفتيح المناطق الداكنه مثل الركب والأكواع
ندلكها بنصف ليمونه مع سكر اكيد هالطريقة معروفة للجميع.
وبالنسبة للبشره الجافة المحتاجه الى ترطيب خاصة انه احنا
في الشتاء ذكر ماسك طبيعي يعطي البشرة ترطيب وهو :
افوكادو + جزرة مسلوقة + عسل وبالخلاط ونضع هالماسك ع البشرة
ممكن استخدامه كل يوم ..
وللهالات نجيب ثمرة الأفوكادو ونأخذ شرائح منها على قدر حجم الجفن
ونحطها على الهالات قال انه كثير جربوا هالطريقة وفادتهم ..
وللشفاة المتشققه سنفرتها بسكر وعسل
وذكر خلطة ترطيب خاصة للشفاة وهي :
ملعقة عسل + شمع عسل + قرص فيتامين E
+ عشر نقاط من زيت شجرة الشاي + ست نقاط من زيت الافندر
يعمل كبديل لمرطب الشفآة.
وقبل النوم تدهن الشفآة بزيت الخروع لترطيبها ..
ولسلولايت الدهان بزبدة الشياء..
ولتفتيح اليدين ماسك مكون من زبادي وعسل ..
هذا اللي كتبته من البرنامج فيه اشياء كثيرة ذكرها
بس انا جيت والبرنامج كان يمشي ..
ان شاء الله هالوصفات تفيدكم
دعواتكم يابنات انه ربي يوفقني وييسر اموري
nana_q @nana_q
محررة
يلزم عليك تسجيل الدخول أولًا لكتابة تعليق.
nana_q
•
الله يوفقك يارب ويسرلك امورك عاجلا غير اجل ويرزقك من حيث لاتحتسبي بصراحه استفدت كثير موضوع في قمة الروعه والفائدة الله يعطيكي الصحه والعافيهالله يوفقك يارب ويسرلك امورك عاجلا غير اجل ويرزقك من حيث لاتحتسبي بصراحه استفدت كثير موضوع في...
اللهم آميــــــــن ولك بالمثل ياقلبي
ربي يعافيك
ربي يعافيك
الصفحة الأخيرة
بصراحه استفدت كثير موضوع في قمة الروعه والفائدة
الله يعطيكي الصحه والعافيه