طرى على بالي البرياني قلت اسويه واوريكم اياه
وماشااء الله الطريقة قريبة جدا من طريقة الاخت ديم بذا الرابط ,,
http://forum.hawaaworld.com/showthread.php?t=3672330
بس في اختلافات ,, وطبيعيه ذا الاختلافات اللي تميز كل ست بيت عن الثانيه ,,
بالبداية اقطع بصلة وحدة مربعات نوعا ما متوسطة لا كبيره ولا صغيره وجزرة وحدة ونص حبة فليفله واحمسهم بالزيت داخل القدر
بعدها ابشر حبة طماطم واخليها على جنب وانتظر ليمن ينحمس البصل واحط عليه البهارات
بعدها احرك البصل مع البهارات لمن تطلع ريحة البهارات وبعدين اجيب الطماطه واضيفها بالقدر مع شوي كزبره
اضيف علبة روب زبادي
احركهم واضيف الدجاج بعد ما نضفته وشلت الجلد عنه
خلاص اغطيه واقصر النار عليه لمدة ساعة بدون ما اضيف ماي بس ماي الطماط وماي الروب يكفي ,, وعلى ما يستوي اغسل الرز وانقعه مدة نص ساعة بعدين اسلقه ,,
اغطي القدر يتطاير بخاره ,, واحمس بصل مع صنوبر للوجه
تحمر الدجاج
واستوى الرز وبديت برتبة بصحن التقديم
وصفيت البصل والدجاج فوقه
وقدمناه ع السفرة واكلناه هنيئا مريئا