السلام عليكم
كنت قبل فترة ناوية اجيب شغالة,, ومتخوفة اسكن وحده معاي الشقة :p ( قبل ما اغترب )
المهم اني سألت اخت زوجي,, لان اول ماتزوجت ماتوقعت ان عندها شغالة ابدااا
كنت اقول كيف البيت مرتب,, وعيالها ماشاء الله مابين الجامعة الى الابتدائي !!
الين جاء ذاك اليوم الي شفت فيه خادمتها !! :35:
تقول لي انها اعتمدت ذا الطريقة مع آخر 4 خادمات,, وماشاء الله ماصار لها مشاكل معهم ابد
سوت لها ملحق خارجي ( خلف البيت ) قريب من عند الغسالات,,
واخذتني اشوفه - على اساس نسلم على الخادمة -
المهم حطت بالملحق الله يكرمكم دورة مياة معها مروش و مغسلة
وزاوية فيه الكوايه مع تعليقة لملابس الكوي
وتلفزيون صغير فيه القنوات الارضية فقط
وميني كتشن,, ( غلاية - ثلاجة صغيرة - عبن طبخ كهربائية )
الشغالة اذا جت توديها غرفتها,, تعلمها ان الغسالات والكوي مسؤوليتك رتبي وقتك فيهم زي ماتبين (( منبهه بناتها ان الملابس الداخليه هم يغسلونهاااا ,, وفيه غسالة صغيرة فوق هي تغسل ملابس عيالها وبناتها الداخلية ))
اول ماتجي الخادمة تقول لها افتحي شنطتك اشوف ايش ناقصك ملابس,, ومنها تشوف لو معها خرابيط ,,, = )
تشتري لها يونيفورم,,, وملابس داخلية كاملة,, وكل اغراضها وشامبوات وكذا,,,
تطلبها تقوم الصبح بدري بعد الفجر تماما وتجي ترتب لو فيه حوسة من الليل وتغسل مواعين الليل,, والحمامات,, وتساعدها بتحضير الفطور ثم تقول لها روحي ارتاحي..
وقتها يقومون العيال يفطرون ويروحون,, هنا ترجع الشغالة وترتب وتغسل وتجهز للغداء (( ماتطبخ بس تقطع وكذا ))
وتخليها ترجع غرفتها,,, وهي تطبخ وتحط الاكل,, وتقول احيان انا اودي غداها لها ومنها اشوف وش تسوي ,,,
وهكذا,, كانها شغالة بالاجار,, عندها الجهاز وتناديها اذا احتاجتهااا :cook:
سألتها ليه كذا طيب؟؟؟
قالت هي بشر,, واكيد بتشوف حولي عيالي وزوجي وضحك وكذا,, وبيحز بخاطرها خليها بعيدة,, ارتاح وترتاح ,,
ملحق بعيد عن الشارع,, وادعي ربي يسخرهم لي ويحفظني من شرهم
- اجيب لها كل فترة بطاقة تكلم اهلها,,, ( ماتجيب اندونيسيااات او فلبينياات ابدد )
- لو طلبنا من برى اجيب لها وجبة كاملة,,
- ما اخلي عيالي يرفعون صوتهم ولايطلبون طلبات مالها لزمة
- الولد الكبير وزوجي مايأمرونها بشيء ابددد,, وبكذا الشغالة تشيل لهم هيبه
- العيد اجيب لها لبس ,, واحيان اوديها محلات التخفيض تختار لها اشياء بـ 50 ريال هدية سواء لها والا لعيالهااا
- تنام 10 الليل بالكثيييييييير,, ولو وديتها معاي استراحات وجمعات اهلي او اهل زوجي اجبر خاطرها بـ 10 ريال,,
وكلام كثييييير نسيت نصة,, بس ماشاء الله عليها تبارك الله
ايش رايكم؟؟؟