جوالي جالكسي S2 وكل ما نزل تحديث للواتس اب
حدثته لكن للأسف كل تحديث ما ألقى فيه ميزة إخفاء آخر ظهور
زي الايفون فاضطريت أنزل الواتس اب ع الايباد عشان أخفي آخر ظهور
الصراحة جداً مهمة هذي الميزة للواتس لانه في ناس الله يهديهم بس همهم يشوفكِ
متصلة ولا متى آخر ظهور لكِ ومتى نمتي
مشيت حالي الواتس ع الايباد بس في البيت لكن لمن اخرج من البيت ما عندي واتس
عشان الايباد واي فاي بس يعني بدون شريحة
المهم مرة كنت في طريق السفر وابغى اكلم أخواتي ع الواتس اب دخلت وفتحت الواتس اب
وحطيت رقمي نفسه الي موجود ع الواتس اب الايباد واشتغل الواتس اب ع الجوال
والمفاجأة بقيت اعدادات واتس الايباد يعني اخفاء آخر ظهور في جوالي جالكسي S2 مفعل
وبكذا استغنيت عن الواتس اب في الايباد
يعني لو عندك ايفون أو ايباد أو ايبود
والايبود منتشر عند الاطفال بكثرة خدي واحد منهم ونزلي عليه الواتس اب طبعاً لازم
يكون الايبود فيه جلبريك عشان تقدري تنزلي الواتس اب من الانستلوس أو من HiPStore
لانه ما راح يكون موجود الواتس اب في متجر ابل ( اب ستور ) بالنسبة للايبود والايباد
أما الايفون يكون موجود في الاب ستور
طيب نبدء نسوي الطريقة بالخطوات المصورة
1/ نفتح الواتس اب في الجالكسي ونسوي نسخة احتياطية للدردشات وكل شي عندك في الواتس
2/ نفتح الواتس اب في الايباد أو الايبود الي عندك ونحط الرقم نفسه الرقم الي مفعلة عليه الواتس اب في الجالكسي راح يجيكِ كود تفعيل الواتس اب ع الجوال برسالة تحطي الرقم في الايباد
وراح يتفعل الواتس اب ع الايباد ويتلغي من الجالكسي
3/ نرجع للجالكسي ونفتح الواتس اب فيه يطلب منك التحقق من رقم الجوال تحطي الرقم
وراح يتفعل الواتس اب ع الجالكسي ويتلغي من الايباد وهنا صورة للتأكيد آخر ظهور مخفي
لووووووولي وأخيراً صار آخر ظهور مخفي في الجالكسي
هنا بدون إخفاء آخر ظهور
الموضوع من جهدي الشخصي وأنا مجربته يعني ما اخدت الطريقة من منتدى تاني
حبيت أفيدكم لأنه شفت كتير يبغو يسوو آخر ظهور للجالكسي
إن شاء الله يكون شرحي واضح وأي سؤال أنا حاضرة
(((( ملاااااااحظة ))))
إذا حبيتي ترجعي آخر ظهور راح تتبعي نفس الطريقة
وجربت الطريقة على نوكيا C7 ما ضبطت
فعلا صار اخر ظهور مثل ساهر
بس هذا ساهر اجتماعي