طريقة إستخدام دفايــة القاز

دفاية القاز مرررررره خطر تحطينها في غرف النوم تسبب اختناق او حريق لاسمح الله واذا تبغين دفايه لغرف النوم افضل وأمن شي دفاية الزيت

دفاية الزيت ماتسوي شئ أنا حاطتها بالحمامات ويادوب مدفيتهم
وأنا الغرف عندي كبيرة وسيراميك وبيتي على واجهتين
يعني البرد يدخل علينا من جهتين ..

إلي مجربة دفايات القاز ياليت تساعدني ولها الأجر إن شاء الله...

شوفي ياقلبي اهي كويسه بس حطيها في مكان مفتوح
يعني مثل الصاله
او غرفة النوم بس خلي الباب مفتوح
والافضل تحطينها في غرفة النوم قبل النوم بساعتين
واذا جاء وقت النوم طلعيها وسكريها وانتو نايمين للاحتياط

الله يجازيك بالخير أختي إيمان ويصلح لك ولدك ويكون رضي فيك
مشكورة أختي على الرد...

امي اللهي يخليها ماتستغني عن دفاية القاز بس انتبهي هي خطره في الأماكن المغلقه استخدميها في غرف النوم وقبل النوم بفتره طلعيها ممكن تستخدمينها في اماكن الجلوس لأنها عادتاً تكون مفتوحه

المهم انتبهي للفتيل وهو هو في مكانه الصحيح وعند تعبئة القاز تأكدي انك لا تزيدي الكميه عشان مايصير تسرب وتصير مشكله اثناء الأشعال

عند فراغ التانكي تأكدي من اطفائها عشان ماتصدر الدخان اللي يشبه عادم السيارات

وان كان لابد من التدفئه
استخدمي الكمادات الساخنه في السرير تساعد على اكساب الحراره..واستبدلي الملايات بالبطانيه يعني بطانيه فوق وبطانيه تحت
افتحي المكيف على الحار وخليه يدفي الغرفه قبل النوم وسكريه..احرصي على دهن الأطراف بالفازلين ولبس جوارب متينه قبل النوم

واحنا بالخدمه والله يعينا واياكم على هذا البرد