طريقة استخدام الاوزان بالتفصيل الممل

استخدام الاوزان ناس كتير بتخاف منة انة يطلع عضلات عشان ك دة قررت اكتبة فى موضوع منفصل لانى قبل كدة جاوبت على الموضوع دى فى رد لكن طبعا مش كل الناس شافتة
عموما فى حاجة كل واحدة لازم تعرفها ان فى هرمون الذكورى هو المسئول عن تكبير العضلات و الهرمون كدة موجود عند البنات بس بنسب قليلية جدا و دى الى بيفسر ظهور الشعر عند البنات المهم فى طريقتان للدمبلز


1) لو عايزة تشدى جسمك بس و تشيلى ترهلات بس من غير ما يكبر العضلة:

بتستخدمى اوزان قليلة من 1-3 كيلو و تعملى تكرارية كتير من 10 -18 مرة و مجموعات قليلة 2-3


2) لو عايزة تكبرى حجم العضلة عندك فى جزء معين:

بتستخدمى اوزان كبيرة تقريبا 70او 80 % من الوزن الاعظم بتاعك يعنى كبيرة اقل حاجة 10 او 15 كيلو و تعملى تكرارية قليلقة 6-10 و مجموعات كتير ة 4-5


تانى هلخص

1- لشد الجسم فقط : اوزان خفيفة 1-3 كيلو
تكرارية كتير من 10-18 مرة
مجموعات قليلة من 2-3

2- لتكبير حجم العضلات: اوزان ثقيلة جدا من 10 لغايت اكتر حاجة تقدرى ترفعيها
تكرارية قليلة من 6-10
مجموعات كتيرة من 4-5

يارب تكونوا فهمتونى و محدش يخاف تانى يستعمل اوزان لانها مهمة جدا