طريقة استخدام غسالة وايربول

حياك إختي سناء

احنا عندنا غسالة ويربول والحمدلله مرتاحين عليها جداً

وحلت أزمة بعد ما سافرت شغالتنا


المهم



قبل ما أشرح لك أحب أنبهك على نقطة مهمه مهمه مهمه (اقرأي دفتر التعليمات اللي معاها وراح تفهمين أشياء كثيرة بشكل أفضل)


الغساله فيها خمسة أنظمة وبجانب كل نظام صورة تشرح المقصود

مثلا النظام الخامس بجانبه صورة ((( قدر ))) ولو اطلعتي على الكتالوج في شرح النظام الخامس معناته للأواني شديدة الاتساخ

وبقية الانظمة اقرأي عنها في الكتالوج

نقطة أخرى بخصوص الملمع والصابون والملح
روحي بنده قسم المنظفات راح تلقين صابون مكعبات من شركة فانيش fanish المهم اشتريه واشتري معاه الملمع من نفس الشركه لون السائل اللي فيه أزرق

إذا رصيتي المواعين بالغساله ((لا تشغلين الغساله الا اذا امتلت مواعين مثلا ضعي مواعين الفطور والغداء والعشاء مره وحده حتى ما تسرفين بالماي واحنا نعمل هالطريقه ومرتاحين كل يوم نشغل الغساله مره وحده فقط)) حطي مكعب الصابون (وهو عباره عن صابون +ملح) في مكان الصابون
وضعي سائل التلميع في مكانه المخصص بس انتبهي لا تعبينه لآخره
ثم

١- أغلقي وجه الغساله واضغطي على زر التشغيل on

٢- ثم اختاري النظام

٣- ثم اضغطي الزر اللي في الوسط وستعمل الغساله بإذن الله


اكرر لكي تفهمي طريقة التعامل مع الغساله اتمنى تقرين الكتالوج صدقيني راح تستفيدين مثل ما استفدت وترتاحين من سؤال علان وفلان
والشركة وضعت النشرة المرفقة لمساعدة العميل على معرفة التعامل مع الغساله بالشكل الأمثل

مبروك عليكم الغساله
ولا تنسيني من دعاك لي ووالدي وبالأخص أمي (صاحبة فكرة الغساله .. ريحتنا الله يجزيها عنا الجنة)))

انا بصراحه ماعندي غساله بس
***** الله بشتري بس ابي اعرف
كم سعرها ؟

ام دانة سعرها تقريبا ٢٧٠٠ بدون الضمان

ومع الضمان تقريبا ٣٠٠٠

والله ما اذكر بالضبط كم قالتلي امي

لكن الضمان ميزته ان الغساله اذا خربت هم يجون البيت ويصلحونها لك ويعطونك قطع غيار جديده هذا اللي فهمته من امي

وطبعا امي اشترتها بالضمان




دعواتك

مشكوووره ياقلبي والله يسعدك دنيا واخره
ويبعد عنك عيال الحرام الله ييسر لك امورك
ويسلك لك طريق الخير

وش الغساله له
للمواعين ولا الملابس؟




استغفر الله واتوب اليه