طريقة الباكوره في خمس دقائق بس..

مرحبا خواتي..
صحيت من النوم الساعه 10 صباحا ولا أحد كان صاحي.. شفت الريوق (الفطور) الصبح وما عجبني،، رحت المطبخ وسويت باكوره على كيف كيفي. لقيتهم كلهم صحوا من النوم ودهم يعرفون شنهي ها الريحه الطيبه.. :10_8_9:

إليكم مقادير باكورة الخمس دقايق:cook:

1 بصله مفرومه
كزبره مفرومه
نعناع مفروم
بقدونس مفروم
1 فلفل اخضر مفروم
جبنة شيدر مبشوره
موزاريلا مبشوره
2 صمون
2م/ك بقسماط
2 بيض مخفوق

الصوص
علبة روب(العين) صغيره / زبادي غير حامض
نعناع مفروم
م/ص ثوم مفروم
ملح+فلفل اسود
م/ك جبنه سايحه

الطريقه:
نخلط جميع مقادير الباكوره+ افتت الصمون وبعدين اضيف البيض المخفوق واستمر في التقليب حتى يتماسك المزيج.. اعمل كرات متوسطه مفلطحة تكون جاهزه للقلي.. اقليهم في زيت حار.
للتقديم تؤكل الباكوره مع الصوص..

وبالهنا والشفاء