طبقي اليوم خفيف ولذيذ وسريع وكنت مسويته مع الرز الابيض بمشاركتي
باسبوع الارز
ويارب يعجبكم
مقاديري وطريقتي تحت كل صوره
بطاطس وباذنجان مقطعه مكعبات بصل .. بصل اخضر .. بقدونس .. جزر (مدري وشلون نطت باذنجانه فوق الجزر
احم توني اشوفها )
فلفل .. ثوم .. بهارات وكركم
صدور دجاج مقطعه مكعبات
نقلي البطاطس والباذنجان ونصفيها من الزيت
ونسلق الدجاج المقطع مكعبات ونحط عليه ملح وقليل بهارات
نجيب طاوه ونحط البصل ونحمسه مع الثوم ونحمره قليل وبعدين نحط الدجاج
والملح والبهارت
حطي الي تبين
نحمسهم
بعدين نحط الفلفل والخضار ونحمسهم شوي
نغرف من مرق الدجاج مغرفه وحده ونخليها دقيقتين تتسبك
بعدها نضيف البطاطس والباذنجان
نحط البقدونس والبصل الاخضر
ونطفي عنهم النار ونقدمه ممكن مع الارز او بالخبز
وبالهناء والعافيه