جبت لكم طريقة التاوه وهي شبيهه بجيب التاجر لكن هذي ماتحشى بس طعمها مع التمر لذيذ يعني تحطين التمره جواته وتاكلينه بالعافيه
المقادير
بيضه
فنجان سكر
ملقه كبيره خميره
اربع ملاعق حليب بودره
وأحيانا اضيف لها ملعقة قرفه
كوب ماء دافئ
دقيق بر حسب حاجتنا صراحه احطه على البركه لين تتكون عند عجينه لينه وماتلصق باليد
زيت عميق للقلي
الطريقه
نقسم كوب الماء إلى نصفين نذوب في القسم الأول السكر والخميره والقسم الثاني نذوب فيه الحليب البودر ثم بعد ذلك نخلط السوائل مع البيضه وبعدين نضيف الدقيق
بشويش لحد ماتكون عجينه لينه وماتلصق باليد
بعدين تخلينه ساعه تخمر ثم تمثلينه وتطززها>>اي تكورها صغار وتضغط عليها يعني كأنك بتسوين قرص بيتزا... لغير الناطقين العربيه << ابوك يالعربيه
بعدين تقلى في الزيت الساخن وتكوني وانتِ تقلين ترشي الزيت على العجين علشان تنتفخ
وبعدين تقدم مع التمر وإلا يرش عليها العسل
وأحيانا اسويها ميني يعني صغار قد دائرة غطاء العلاج
وبعد ماأقليها اكون مجهزه شيره واضيف عليها شوية ليمون اسود وشوية دارسين
وارشها بالشيره
واقدمها وياسلام على الطعم
وبالعافيه عليكم
وهذي صورتها
ولا تنسوني من دعواتكم الصادقه
والله يسلم هالايادي الحلوة