السلام عليكم ورحمة الله وبركاته
هذي نفس طريقة امي الله يشفيها ويطول بعمرها
لكن يابنات صدقوني اذا طبقتي طريقتي
راح تذوقين طعم الجريش صح<<وااثقة
اولا افضل جريش هو الجريش التركي
تلاقين الخيشة حقته ب35 ريال
وبتبقى فترة طويلة عندك المهم احفظيها بالفريز
ولا تضيفين رز مصري ولا غيره
جريش وبس
اذا بسويه غداء اغسله من الليل واصب عليه مويه
مغليه يتنقع
واذا عشاء اغسله الظهر
يعني كل ماغسلتيه ونقعتيه اطول يكون افضل
نجي للطريقة وبتدعون لي وبتكونيين المميزة بطبخ الجريش
حطي بالقدر نص اصبع زبدة او اكثر شوي
ومكعبين ماجي وملح واحسبي حساب ان الماجي فيه ملح
وبصلة وحدة مقطعه صغار
وصبي لتر او اكثر لبن
واتركيه يدفى شوي ع النار وبعدين صبي
مويه مغليه
ولما يغلي الخليط حطي الجريش وخلي غطاء القدر
مفتوح وراقبي شويه حتى يبداء يفرقع<<وش هالتعبير
او يفور وبعدين قصري النار وغطيه
اذا قدر عادي تدخلينه جوى فرن والنار مقصره ع الاخر تحت مدة 3 ساعات او ساعتين ونص
وكا نص ساعة تحركيه بملعقة غرف الشوربة
وتهرسيه لمدة دقيقة وان شفتيه ثقيل زيديه
مويه مغلية شوي
وان كان بقدر ضغط لمدة ساعة ونص
على نار ضعيفة انا فرني كهربائي
احطه على العين الكبيرة على رقم واحد
ونجي للبزار حقه او الصوص
بصل مقطع شرايح او مربعات صغيرة اللي يناسبك
وزبدة ولما يتشقر البصل تحطي عليها مسمنة
وليمون اسود مطحون وفلفل اخضر حار
وتقلب شوي وتطفي النار
وبالعافيه على قلوبكم
واذا شفت تجاوب ورغبة منكم نزلت طريقتنا بالقرصان
قرصان القصماان
ودمتم بحفظ الرحمن:21:
من جابها من بحرها؟ @mn_gabha_mn_bhrha
كبيرة محررات
هذا الموضوع مغلق.
الجريش كاسين كبار
والمسمنة بهارات للاكلات الشعبية
تلاقينها عند العطار
اذا انتي بالرياض
واذا ماعندك يكفي الليمون الاسود
والمسمنة بهارات للاكلات الشعبية
تلاقينها عند العطار
اذا انتي بالرياض
واذا ماعندك يكفي الليمون الاسود
لا يمكنك مشاهدة هذا التعليق لانتهاكه شروط الاستخدام.
ياحبيتي لو اعرف كان نزلت صور بدون ماتطلبون
بس انتي سوي نفس الخطوات ولا تكثرين المويه بالبداية
لانه اذا كان ناقص تزيديه لكن المشكلة بزيادة الموية
بس انتي سوي نفس الخطوات ولا تكثرين المويه بالبداية
لانه اذا كان ناقص تزيديه لكن المشكلة بزيادة الموية
الصفحة الأخيرة
والله يبارك فيك تسلمين
بس اذا ماعليك كلافه تعطيني مقدار الجريش اللي نقعتيه يعني كوب والا كم ؟
والمسمنه وشي ماعرفتها ؟
والف شكر لك