بسم الله الرحمن الرحيم
السلام عليكم ورحمة الله و بركاته
بنزلكم اليوم طريقة الحمام المغربي وخلطة الاعشاب المعروفة ألي تستخدم معاه وبنزل الخلطة التقليدية وطريقتها الصحيحة ومابنقص ولا بزود في شئ وبقول كل شئ بتفصيل والخلطة مني ناقلتها من أي منتدى أخدتها من ماما وماما مغربية زي ماقولت ابا عن جد وربي على ما أقول شهيد :biggrinlo
أول شئ الأشياء ألي نحتاجها ..............
صابون مغربي يا الصابون الحجر العادي ألي هوا صابون الغار أو صابون المغربي الأسود السائل - ليفة مغربية - نفقة ألي هيا خلطة الأعشاب بالمغربي أسمها نفقة
( ولو تبغي تعملي حمام زيت لشعرك عادي )
أول شئ أتاكدوا أنو الصابون يكون أصلي مو أي كلام
ثاني شئ الليفة لمن تحطيها وتنزل صبغة كتير يعني تنزل الموية سوداء دي الليفة مرة مو أصلية
ثالث شئ الخلطة بسيطة وأغراضها تقدري تجيبها من أي مكان
أول شئ راح نبدأ بخطوات الحمام المغربي :
(ملاحظة : قبل ماتستخدمي الليفة جيبي علبة او زبدية حطي فيها موية حارة شوية وحطي الليفة فيها عشان الخشونة ألي في الليفة تخف شوية)
أول شئ غسلي جسمك بموية دافية
ثاني شئ طبعا أهم شئ البخار ألي عندها حمام سونا تسوي فيه بس أنا ماعجبني أو أنك تكوني مشغلة السخان تفتحي الموية الحارة بس ويكون في سطل أو كروانة عشان نستفيد من الموية حرام تروح ليش بس تفتحي الموية الحارة عشان البخار يكون كثير
ملاحظة : (أنا عندي الغاز الصغير ألي لونه ازرق وفي البعض يسمونه دافور أجيب قدر كبير وسط على راحتك وأعبيه بالموية وأخليه يغلى عشان يزيد البخار )
ثالث شئ تحطي الصابون على جسمك بعدها تقعدي ثلث ساعة وتقدري تزودي الوقت لو تبغي على حسب طولت بالك
رابع شئ تأخدي من الموية ألي في السطل وقبل ماتتغسلي بيها شوفي كيف حرأرتها لو مرة حارة دفيها تغسلي شعرك بشامبو وجسمك من الصابون كويس ألين ما تتأكدي أنو مافي صابون في جسمك وبعدها تجيبي الليفة وتدعكي جسمك مزبوط عشان الوسخ يطلع أما بنسبة للوجه أدعكيه على خفيف لاتدعكيه بقوة لأنو الوجه حساس
(ملاحظة : ياتدعكي وجهك أول بعدين تبدأي بالجسم تبدأي من منطقة الأبط أو أنك تغسلي جسمك بعدين تشطفي الليفة وتدعكي وجهك)
بعدها لو شوفتي طلعت الوساخة مزبوط شطفي جسمك تاني بموية دافية وأدعكيه تاني لو تبي تتأكدي أنو الوساخة طلعت أدا مافي شئ خلاص لمي شعرك وحطي الخلطة على جسمك وألي تبى تحط الخلطة على شعرها مو مشكلة بس مو ضروري يعني
تخلي الخلطة على جسمك ثلث ساعة أو أكثر زي ماقولت أول كل وحدة وطولت بالها وبعدها أتغسلي مزبوط بموية دافية من الخلطة
وكدا نكون خلصنا الخطوات حقت الحمام المغربي ودحين راح أعطيكم الخلطة ألي هيا نفقة ألي هيا الاعشاب الي بنستخدمها مع الحمام المغربي
أول شئ مقادير الخلطة
ربع كيلو خزامة
ربع كيلو ورد ناشف ألي هوا ورد المدينة
ملعقتين حنة والحنة مو ضروري لو ماتحبيها
ملعقتين سدر مو ضروري لو ماتحبيه
(ملاحظة:السدر والحناء لهم فوائد للجسم ويساعدو على توحيد لون الجسم)
ملعقتين قرنفل مطحون وفي البعض يسميه مسمار
بكت طين مغربي عند العطار تلاقيه
موية ورد
4 ليمونات
و الداد المغربي ملعقة بس وياليت تجيبو الأصلي
الطريقة :
أول شئ تنقي الخزامة والورد وتطحنيه ناعم ولو تحطيه في الشمس ينشف شوية عشان ينطحن معاكي كويس
تاني شئ تحطي الطين المغربي في زبدية وتحطي عليه كاسة موية دافية وتخليه شوية ألين ماينفش معاكي زي العجينة
تالت شئ تحطي على الطين الخزامة والورد والقرنفل وليمون و الحنة و السدر والداد
(ملاحظة :صفي الليمون من البزر قبل ماتحطيه على الطين)
رابع شئ قارورة موية ورد وتحطيها على الطين وتعجني بيدك الين ماتصير الخلطة أتقل من عجينة اللقميات أو عجينة العوامات
خامس شئ تحطيها في علبة وتحطيها في التلاجة ووقت ماتبي تستخدميها طلعيها لو حسيتها تقلت حطي عليها شوية موية زهر و بتكون جاهزة للأستخدام
ملاحظة:
أخر شئ وقبل ما أختم موضوعي في عشبتين أسمها سنبل وريحان ماما تقول مو موجودة هنا في السعودية وتقولي الريحان مرة مو الريحان الي عندنا والسنبل عشبة مو السنبل الحار حق الهنود أنتبهوا وألي تعرف أحد في المغرب ويقدر يجيب لها تمام وتقولي الريحان يجيبوه من الغابات المهم أنا حبيت أقولكم كل شئ عشان ما أكون كدابة لاني قولتلكم بقول كل شئ وبتفصيل
أتمنى يعجبكم الموضوع :biggrinlo
و أسفة على الأطالة
يلزم عليك تسجيل الدخول أولًا لكتابة تعليق.
جويهرا
•
اللـه يجـزيك الجنـة انتي وأهلك بدون حساب وعقاب يـا رب
جويهرا :
اللـه يجـزيك الجنـة انتي وأهلك بدون حساب وعقاب يـا رباللـه يجـزيك الجنـة انتي وأهلك بدون حساب وعقاب يـا رب
امين يارب وياكي منورة :biggrinlo
مشششكورة يعطيك العافيهمشششكورة يعطيك العافيه
لا شكر على واجب نورتي :icon30:
الصفحة الأخيرة