طريقة السليق ؟؟

احنا طريقتنا من غير حليب  طبعا تسلقي اللحم عاد كمية الماء على حسب كمية اللحم وممكن تضيفي دارسين وهيل وبصل صغيره تنسلق مع اللحم ولو ان الوالده ماتضيف شي مع اللحم طبعا لين يقرب اللحم الاستواء ضيفي الملح وبعده شيلي اللحم وارمي الرز ابو بنت بالقدر وطبعا خليه وسط لاتهرسبه مرره وبعده حطي الرز بالصحن وعليه اللجم . هذا طريقة الوالده ويا محلىى سليقها الله يحفظها وموفقه يا رب ..

انا اهري الرز بالطبخ وبعدين اضيف الحليب كل كاسه رز عليها كاسه حليب واضيف قشطه تقريبا ثلاث ملاعق ويطلع لذييييذ وبالعافيه عليكم

الله يجزاكم خير

حبيبتي اولا رزك لازم الامريكي قصير الحبه يابو بنت ياابو سيوق ثانيا تسلقي الرز بماء اول او بالمرق ادا كان لحمه ولازم ينهرس اول ثم يضاف الحليب والقشطه والزبده تخلطيهم مع بعض ومن ثم تضيفينهم عالرز ويطبخ وانتي تحركي لازم تحركي عشان مايلصق بقاع القدر ويشيط الحليب وانتي تقلبي اهرسي الرز علي جوانب القدر تقريبا ثلث ساعه النار وسط وتغرفيه علي طول وبالعافيه

انتي تبين السليق ابو حليب ورز مصري

اذا عندك عزيمه كبيره مثلا سته أشخاص حطي اربعه كاس كبير رز والحليب الافضل استخدمي الي في جيك حطي جيك ابو خمسه الي زي الجالون مثلا الدجاج دجاجه ونص مقطعه أنصاف ومنظفه ومغسوله اصبع زبده قرنيين فلفل احمر للدجاج اربع ملاعق ماجي ابيض ملح حبات هيل ومسمار

ولازم تبدين فيه بدري مثلا بتحطين عشاك الساعه تسع تصلحينه المغرب
الطريقه بصلتين متوسطه فص ثوم زيت رز مغسول ومنقوع في مويه دافيه وملح واربع قرون فلفل احمر
تحمرين البصل والثوم في الزيت ويعدين الدجاج الملح قرون الفلفل بهارات عدله هيل ومسمار والفلفل الاحمر وبيالة مويه وتغطينه عشر دقايق الين يروح من الدجاج الزفره والدم حطي مويه تغطي الدجاجه والماجي الابيض وخليه يستوي الدجاج شيلي الدجاج ورشيه بالبهارات وعلى الفرن
صفي موية الدجاج من البصل وكل البهارات العدله وحطي الرز ونص القدر مويه يعني فوق الرز اهم شي يكون قدرك وسيع وخليه على نار عاليه اول مايغلي قصري النار صغيره غطيه بقصدير واكتميه بالغطى وخليه ساعتين بعد ساعتين شوفي حبته اذا بدت تنهرس معناه انه بدا يستوي حطي الحليب وبعد زيدي مويه كاس وحطي أصبع الزبده بعد ماتقطعينه جوات الرز وخليه وقبل الغرف بساعتين شيلي الفلفل وحركيه بالملاس او بالمعصاد ورجعي الفلفل واكتميه وقبل التقديم بعد دقيه ولايصير مره قاسي ولا يصير مره مويه يصير وسط واذا كان محتاج مويه زيديه ترا ماله معيار مويه

حمري الدجاجه من فوق حطي السليق في صحن التقديم مع قطع زبده وفوقه الدجاج المحمر