السلام عليكم
كيفية الشراء عن طريق الانترنت الطريقة
وبحطها لكم على طريقة خطوات
1- اول شي يااخوان تروحوا لشركة ارامكس وتعملوا عنوان لأنفسكم طبعا عن طريقهم واحد بأمريكا وواحد ببريطانيا مقابل رسم تدفعه لمرة واحدة فقط وهو 132 ريال فقط لاغير
2- هذي ارقام تلفوناتهم الرياض
4160353
4617573
جدة
6910000
2753177
3- ممكن للي يقول انه ماعندي فيزا او ماستر كارد ممكن يروح للبنك الأهلي او مكتبة جرير ويطلب بطاقة فيزا مسبقة الدفع وتشحنها بالمبلغ اللي تبي من 100 وطالع ((العملة بالريال اتكلم هنا))
4- تروح موقع امازون www.amazon.com وتبدا بطلب المشتريات اللي تبيها وتضيفها بسلة المشتريات add to cart
5- بعد ماتعبي سلة المشتريات بالأشياء اللي ودك تشتريها من دون سر قة تروح لأيقونة procced to checkout يعني تبدأ بنتف مخباتك او تخريمها عشان تطلع الفلوس بس بشويش ياشباب لول ههههه
6- بيطلب منك انك تدخل ايميلك والرقم السري فتحط الايميل بمكان اسم المستخدم وبالنسبة للرقم السري فتختاروا خيار I'm new customer i don't have a password انك زبون جديد وماعندك رقم سري وعلطول بتطلع لك قائمة تسجيل اسمك وكل وبياناتك والرقم السري كانك قاعد تسوي لنفسك ايميل ويفضل انك تحط اسمك مثل ماهو مكتوب ببطاقة الفيزا او الماستر كارد بالضبط عشان مايستهبلون بعدين ان كان براسهم استهبال
7- بيطلب منك تعبي العنوان اللي تبي تشحن له عفشك والعابك وكل ماتريد وهم ارامكس راح يعطوكم نفس النموذج اللي راح تعبي العنوان فيه من اوله الى اخره وكل ماعليك انك تعبي فيه
8- بعد ماتعبي العنوان المعطى لك من ارامكس تروح وتعبي بيانات بطاقة الفيزا او الماستر كارد تأكد انك تحط اسمك المكتوب بالبطاقة بالضبط لاتزيد ولاتنقص ابدا ونفس شي مدة انتهاء البطاقة وطبعا تختار نوع البطاقة اللي بتدفع فيها
يعني ماتحط فيزا وهي ماستر كارد ويقالك ذيب وبتمشي عليهم لول هههههههههه
9- راح يأكدوا عليك العنوان مرة ثانية والفيزا وارقامها وكل شي وبعدين تضغط انك تدفع وتشق جيبتك
وبعدين يقولك مشكور اخذنا فلوسك ولا راح يجيك شي وردد ياليل ماطولك هههههههه
لول
10- طبعا بيعلموكم الشحن متى وقبل لاتدفع بيقولوا لك كم قيمة الشحن لأرامكس اللي هناك بأمريكا ((صندوقك البريد)) ماهو اللي هنا؟؟؟؟؟؟؟
تذكروا اول نصف كيلو شحن ب65 ريال واي نصف كيلو بعده ب35 ريال تدفعها لأرامكس لما يشحنوا بضاعتك من امريكا للسعودية
((( للمعلومة ترى طريقة حسابهم نوعا ما زيادة حسب اللي فهمته منهم يعني لوجيت شحنت نصف كيلو + 100 جرام زيادة راح يحسبوها عليك نصف كيلو زيادة ولا راح يحاسبوك على 100 جرام زيادة
طبعا امازون راح يسألوك اذا تبي شحن سريع ولا العادي انتم اختاروا standard shipping يعني الشحن العادي عشان توفر لك شوي
وبالنهاية مبروك عليكم ونأسف للاطالة عليكم ونتمنى لكم شراء سعيد وطبعا كمان لاتنسوا اطلب عدة العاب وليست واحدة لأنك لو طلبت لعبة واحدة بس راح تكون غالية بسبب الشحن وبتصير ماتستاهل لكن اربع العاب راح يطلع قيمة اللعبة بعد الشحن والحوسة كلها تقريبا 250 ريال ((معقولة)) افضل من لعبة واحدة راح تطلع غالية جدا بسبب الشحن طبعا
بعد ماتخلص عملية الشراء وتتم بنجاح تقدر تتبع شحنتك اذا وصلت لعنوانك بامريكا او لأ عن حسابي ((your account)) مكتوبة اعلى الشاشة لليمين وبعدها تكتب اسم المستخدم ((الايميل)) والرقم السري وبعدها وبعدين تختار procced to our secure server يعني دخول سيرفرنا المؤمن او المحمي وتختار اول خيار على اليسار عبارة where is my stuff يعني وين عفشنا ياجماعة الخير ((معلومة: مافي دلة قهوة معها)) وبتطلع كل المعلومات وين الشحنة وهل وصلت او لأ لكن (((((تذكروا))))) ان تتبع الشحنة هذي حتى توصل لعنوانك بأمريكا او بريطانيا وليس للسعودية واول ماتوصل هناك تدخل عليها من موقع ارامكس الموجود على الظرف وقت ماتشترك معهم وتتبع شحنتك حتى توصل لك بالسعودية وانتم سالمين
ملاحظة: في ظل حمايتنا الكريمة من حماية المستهلك تذكروا انه في بعض الاحيان ممكن الاشياء اللي طلبتوها من بره ممكن يصادروها حتى لو شي غير ممنوع ابدا بس تعتمد على مزاج الموظف بالجمارك؟؟؟؟؟؟؟؟؟؟؟؟؟؟؟؟؟
الا ماحد يخبر لي واسطة هناك اتوظف بحماية المستهلك؟؟؟؟؟؟
يقولون تمشي؟؟؟؟؟
لول * لول
اتمنى اني مانقصت شي عليكم وكل ردودكم واقتراحاتكم مرحب فيها
وللي يسأل عن وزن اللعبة الواحدة العادية التقريبي وزنت اليوم لعبة كول اوف ديوتي 4 بالعلبة والكاتالوج طبعا طلعت 80 الى 90 جرام تقريبا
يعني تقدروا تشحنوا اربع العاب بوزن عادي مايقارب 430 جرام ولسه مازادت عن النصف كيلو الاول ((فلة)) منقووووووووووول لعيونكم
كاسي ألماسي @kasy_almasy
كبيرة محررات
يلزم عليك تسجيل الدخول أولًا لكتابة تعليق.
اسرابامن الحنين
•
يعطيكي العافيه خشيته من قبل مافي شي اعجبني بخش الان لعل وعسى شي يعجبني---
الصفحة الأخيرة