:: طريقة العناية بالشفايف.. وارواج حلوة وناعمة لعيونكم ::

السلام عليكم ورحمة الله وبركاته..


اغلب صور المكياج تركز على رسمة العين و تنسى الشفايف.. هالمرة بنركز على الشفايف.. :27:



في البداية لازم نفرق بين العناية بالبشرة والعناية بالشفايف.. لان الشفايف طبقة رقيقة جدا.. ولازم نتعامل معها بنعومة اكبر.. لانها تحتوي على قدر قليل من الميلانين والي تحمي بشرتنا من العوامل الخارجية خاصة اشعة الشمس..


للحصول على شفايف نااااعمه وحلوة لازم نحافظ على :

1- ترطيب الشفايف بشكل مستمر.. لان الشفايف ماتقدر تفرز اي مادة ترطبها بعكس باقي البشرة الي تفرز الدهون للترطيب، لذلك هي معرضة للجفاف بشكل دائم اذا اهملتيها.

2- استخدام واقي الشمس بشكل منتظم.. حتى لو كنتي في البيت :D لاتستغربين لكن المكيفات لها تاثير في جفاف الشفايف.. هذا غير النوافذ طبعا الي تسمح لاشعة الشمس بالدخول ومهاجمة شفايفج :30:
يعني لاااااااااااااازم تحطين واقي الشمس.. داااااااااائما...

3- استخدمي منتجات ترطيب تحتوي على الالوفيرا او زبدة الكاكاو او بروتين الصويا.



و ابراز جمال الابتسامة يعتمد على رسم الشفايف بصورة صحيحة .. بعض الناس تكون شفايفهم مثالية والبعض الاخر يحتاجون لتكبيرها او تصغيرها.. وطبعا هذا يعتمد على ايجاد التوازن بين الشفتين من ناحية وبين الشفايف وباقي الوجه من ناحية اخرى..


لتكبير الشفايف.. ارسمي شفايفج من الخارج الى الداخل والعكس لتصغيرها.. وهذي قاعدة ذهبية تعلمتها في اول ايامي مع المكياج..