طريقة الفطير المشلتتتتتتت المورقة

:icon28: :icon28: :icon28: :26: اولا الكيلو دقيق يعمل فطيرتين 1ك دقيق ابيض - حوال 2 كوب ماء حسب العجن - ملعقة ملح - ربع كيلو زبدة سايحة مع نصف كوب زيت وممكن تستبدل بالسمن الطريقة نقوم بوضع الدقيق مع الملح فى وعاء ثم نضيف الماء ونعجن كويس لغاية ما تصبح عجينة طرية وتطلع من ايدك - اتركيها ترتاح قليلا ثم قومى بتقطيعها نصفين - النصف الاول يقطع الى كور فى مقاس واحد ماعدا كورة واحدة تكون مقاسها اكبر منهم يعنى واحدة كبيرة الاول والباقى ممكن يكون 10 - 12 كورة صغيرة وبعدين نقطع الجزء الثانى هكذا المفروض ندهن تحت الكور سمن او زيت ونترك كل جزء لوحدة يعنى كل جزء مقطع الى حوالى 12 كورة صغير وكورة كبيرة يعنى 13 وحدة الكلام واضح ولى اقول تانى - ثم نحضر اولا الكورة الكبيرة وندهن صينية كبيرة سمن ثم نفرد الكورة الكبيرة اولا بالسمن ونضع فوقها رشة سمن بالايد - ثم نقوم بفرد الكور الصغيرة واحدة واحدة وبين كل واحدة نضيف السمن - لغاية ماتخلص ل 12 كورة هكذا على فكرة الكور الصغيرة هتصبح وسط الكورة الكبيرة - ثم نقفل الاطراف على بعض كويس علشان السمن مايطلعش برة وبعدين نبططها بعد ماتريح شوية - ثم تدخل فرن حار - وكلى مع العسل او الجبنة القديمة وبلاهنا والشفا معلش انا طولت عليكم على فكرة هتصبح مورقة جدا جدا