طريقة الفول

السلام عليكم ورحمه الله وبركاته
مساء الياسمين والفل
اخواتي ابي طريقه للفول المدمس 
لانه يقول زوجي الفول اللي ازينه مثل الشوربه
الله يجزاكم خيرا ابي مثل طريقة الفول ماتصير شوربه 🙈
انا استخدم الفول المدمس اللي بالعلبة الجاهزة  

انا طريقتي في الفول اللي يجي في العلب هي:
احط العبه في الخلاط واخلطها واظيف عليه نص كاسه مويه تقريبا اذا وقفت الخلاط ظيفي شوي عشان الخلاط تخلطه وماتوقف
وبعدين اقطع طماطم تقريباً ثلاث حبات او حبتين واقطع بصل
احط البصل في الصينيه وعليه زيت واكشن كشنه عادي واحط كمون ملعقه صغيره وكمان ملح حسب الرغبه
وبعد كذا الطماطم واتركها شويه واضيف الفول اللي خلطته واحركه واتركه لحد ماشوفه ثقل واضيف فنجال مويه واتركه يغلى واجرب الملح اذا يحتاج ملح واذا ثقل اقفل النار واحط سمن وافضل شيء السمن البلدي سمن البقر له ريحة وطعم رهيبه
تحطي ملعقتين او ملعقة انتي ورغبتك
وبصحة وهناااء

انا طريقتي احط زيت زيتون واحط عليه الفول عالنار هاديه واول مايبدأ يسخن احط الليمون و شطه و ملح وكمون واعلي عالنار فوق المتوسط وابدأ اهرس بالشوكه او بهراسة البطاطس واذا نشفت المويه اشيله وعالصحن واحط عليه قطعة زبدة ورشة بقدونس او كزبرة وخلاص :)

الله يسعدكم الاخوات العنود واخت رجال نزلو طريقة اللحمه يالقصدير وكل وحده يختلف التوقيت وهيا نفس المقادير بس التوقيت خربطني مو عارفه قد ايش اخليه ع الفرن وبس من تحت اشغل عليه بعد اذن صاحبة الموضوع لان مااعرف انزل موضوع والله سجازي اللي ترد عليا الف خير