مرحبا صبايا انا حبيت ليوم اترجملكم و بالصور كمان اشهر طريقة مغربية صحراوية لتسمين اي منطقة بالجسم
اولا احب اقلكم انا كمان نحيفة بس في منطقة جد جد نحيفة بجسمي هي الزنود يعني حتى لو كنت بسمن هاذ المنطقة ما بتسمن على العموم كتير قريت بمنتديات مغربية عن طريقة الكديرة للتسمن اي منطقة بالجسم اكيد بالاول ما عطيتو اهمية بس لما قريت الردود وااااااو عن جد كانت تفتح النفس و قرررت اجرب و فعلا جربت مرتين كل اسبوع والله العلي العظيم زنودي سمنت بالرغم اني نحيفة بس المنطقة اللي كانت بعمرها لا تسمن سمنت مع العلم اني جربت هاذ الطريقة بس اسبوعين و لهلا ما انفشت
خليني افهمكم مبدا هاذ الطريقة هي تحفز الدورة الدموية بالمكان المراد تسمينه و بتصير اي حاجة بتاكليها مباشرة بتروح لهذاك المكان
ثانيا معلومات بتهمك قبل ما جربها::
الكديرة هي عبارة عن آنية فخارية مغربية بس فيك تعوضيها بعلبة زجاجية تبع نوتيلا مثلا
الكديرة ممنوع تستعمليها على الصدر و الوجه
من المفروض انك تاخذي معاها اعشاب مغربية جد نادرة عشان تنفع بس هاذي الاعشاب عبارة عن فواتح شهية عشان تقدري تاكلي منشان هيك فيك تعوضيهم بفاتح شهية.
الكديرة + اكل= نتيجة فعالة
الكديرة+ بدون اكل = لانتيجة
ظرورة اكل وجبة كاملة بعد كل عملية كديرة
الطريقة::
1.تسخني المنطقة اللي بدك تسمنيها يمكن تعملي حركات احتكاك عشان تسخن
2.تجيبي زيت زيتون و تدهني المنطقة المراد تسمينها.
تجيبي علبة زجاجية ولاعة و شمعة جد صغيرة مثبتة على شيء معين و صغير مثال غطاء البيبسي
بعد دهنك للمنطقة بالزيت حطي عليها الشمعة و اثبتي حتى لا تسقط عليك و غطيها بالزجاجة رح تلاحظي انو بسرعة فائقة بشرتك رح تنسحب لفوق و الشمعة ررح تنطفي
بسرعة فائقة اعملي حركات دائرية في المنطقة المراد تسمينها رح تحسي بالم بس اصبري و بعدين وحدها الزجاجة رح تنتزع من البشرة كرري العملية مرة ثانية
وهيك بتكوني حفزتي المنطقة و فيكي تنتقلي لمنطقة ثانية بس ظروري تدهني بالزيت و تكرري مرتين
بعد انتهائك ظروري تاكلي وجبة كاملة و غنية بالسعرات
ممكن تلاحظي احمرار بمكان الكديرة بس لا تخافي رح يزول بعد يومين
و بذكركم الكديرة بدون اكل ما رح تجيب فايدة
اتمنى يكون عجبكم الموضوع مستنية دعواتكم الله يشفيني و يوفقني بدراستي.. والله تعبت حتى ظبطتلكم الصور و كل اللي يهمني انو تعم الفايدة العامة بمنتدانا الغالي واي وحدة بتنقل الموضوع بتذكر المصدر والله يجازيها خير
