طريقة المراصيع

المقادير
عبارة عن
دقيق اسمر او دقيق بر

ثلاث تقريبا او اربع او حسب الكميه اللي تبغين من الدقيق الاسمر

بيضة واحدة

شوي ملح
فنجال سكر او بدون حسب الرغبه
اذا عجنتيها من بدري مثلا العصر ممكن تستغني عن البكنج بودر والخميرة
اما اذا عجنتيها بدري ضيفي لها ملعقه اكل بكنج بودر اوخميرة

يتم اضاف الماء عليها اهم شي يكون الماء بارد مايكون حار لأنك اذا اضفتي الماء الحار خربت العجينه لأزم يكون بارد يعني اقصد من الحنفيه مو مفوح

ثم اضافه الحليب
طبعا كميه الماء والحليب حسب الدقيق المستخدم يعني لأزم يكون قوام العجينه مناسب
ممكن تستغني عن الماء وتكتفي بالحليب وبرضو ممكن تستغني عن الحليب وتكتفي بالماء او ممكن تستخدمي الاثنين

بعد اضافه الملح والبيض والسكر نبدا بتحريك العجين حتى يصبح قوامه مناسب يكون اخف شوي من الكيك زي البان كيك تقريبا لاتثقلينه ولا تخففينه


ثم نقوم بدهن الحديدة بشوي زيت اذا كانت من النوع اللي يلتصق

رشي شوي الماء على الحديدة حتى تكون حارة


بعد ظهور الفقاعات ننتظر شوي ثم نقلب المراصيع مع الجهه الثانيه

يكون عندي وعاء
وكل مانضجت عجينه المراصيع اضيفها له

واذا انتهيت
اضيفها في قدر له غطاء

ثم ابد اسوي من باقي العجينه مراصيع كبيرةلأن فيه من يحبها كبيرة وناشفه يعني بدون زبدة ولا سكر ولاعسل ولادبس تقدم زي ماهي اما تؤكل مع زبادي او مع حليب

*****************************************************

(مصابيب)
**************
المقادير:
الماء على حسب الكميه اللي راح تحطيها وضعي الماء في خلاط الطماطم
دقيق بر تضعي منه بالملعقه حتى يثخن السائل
رشة ملح
رشه صفار الزعفران
بيضه
2 ملعقه كبيرة حليب بودرة
الطريقة:
ضعي الماء في خلاط الطماطم ثم الحليب ثم البيضه والملح وصفار الزعفران والدقيق ملعقه ملعقه حتى يثخن الخليط مع الاستطاعه في صبه بسهوله ويترك ربع ساعه واذا كنتي مستعجله مو لازم
العجينه كذا جاهزة اذاكنتي تبيها ببصل قطعي بصل مربعات صغيرة وضعيها على العجينه وحركيها بملعقه مو بالخلاط عشان ما ينفرم البصل
واذل ماتبيها ببصل خلاص تصير جاهزة لاتحطي عليها شئ
انا اسكب العجينه في الابريق تبع القهوة التركيه عشان يسهل الصب
وتكون التاوة تبع المراصيع وهي تجي دائرة كبيرة مسطحه مالها جوانب وممكن تستخدمي المقلاة العاديه بس تصير كبيرة عشان الحريه في الترصيع
وتسخن لحد ماتصير حاميه بعد توضع النار وسط وتدهن بمنديل به زيت فقط مسح
بعدها يصب قليلا على شكل دوائر صغيرة ويبعد بين كل دائرة مسافة نص سنتمتر
لحد ماتغمق ويروح البياض تقلب على الجهه الاخرى ويضغط عليها قليلا حتى تحمر في هالاثناء تكوني مجهزة حافظة الحرارة والزبدة اذا حمرت المراصيع ضعيها في الحافظه واغلقي عليها لحد ماتنتهي العجينه
اذا كنتي مسويتها ببصل ضعي الزبده عليها واغلقي الحافظه وهزي الحافظه عشان تمتزج الزبده بالمراصيع لان التحريك باليد يمزقها
واذا كانت بالعسل ضعي مع الزبد عسل وهزيها وتقدم ساخنه...
وصحتين وعافيه...
صدقوني لذيذه



منقول

ضعي في الخلاط ماء وبصل 0ملح0فنجال حليب0كركم0بهارات0نصف فنجال سكر 0بيضه0دقيق بر واخلطيه وبعدين صبيه على الحديده وهي حاره بعدين خلي النار وسط وحمري من الجهتين ولاتنسين ادهنيها بالزبده وحطي معها عسل حسب الرغبه

الله يعطيكم العافية يارب تسلمون ياقلبي

ماادري وش تقصدين المسميات تختلف
بس بقول لك اللي انا نسميه مراصيع ان شاء الله هي اللي تبين
اعجني عجينه عاديه زي عجينة المرقوق
{ طحين بر وملح ومويه } وتكون قاسيه شوي
بعدين ترصعينها على الصاجه وهي حاميه مره
يعني تكون زي الخبز مشقره من الجهتين
وصلحي لها التشريبه اللي هي
بصل مكشن وتبليه بملح وفلفل اسود وشوي مويه واذا غلى
صبي عليه حليب واطبخيه ثم شربيه بالمراصيع طبقات
وخليها تلين او قصري لها على النار عشر دقايق بس انتبهي لها
وبالعافيه
اتمنى افدتك