بسم الله الرحمن الرحيم
مساء\صباح الخيرات
ياكثر مانسمع عن انظمة النفاس اللي عن جد تدوخ نظام مادري مين ونظام فلانه ونظام ام فلان وماأقصد اللي تنباع جاهزة لكن انا اشمل ايضاً اللي تقول الخلطات وانتي اشتريها وسوي عشرين يوم اولى وعشرين يوم الاخيرة
ومن كثر التعقيد نخاف نتعب وفي النهايه نبطل منها كلها :mad:
عشان كذا نبغى المفيد وبس وآسفة عالمقدمه الطويله:time:
حبيباتي انا بقول تجربتي انا واللي تعجبها تدعيلي واللي ماتعجبها لاتدعي علي وانا اتقبل النقد اللي باحترام فقط
في البدايه ارتب كل أغراضي قبل الولادة وهي:
دواء النفاس يوضع مع الحليب ويشرب الحليب 3مرات باليوم)
كاس ماش -نص كاس شمر -نص كاس حلبه -ربع كاس حبه سودا -ربع كاس كمون -ربع كاس فلفل ابيض -ربع كاس فلفل اسود -ربع كاس سكر نبات تخلطينها وتطحنينها وتحطين ملعقه من الخلطه في كاس حليب دافئ وتشربينها على الريق وبنات ترى الفلفل الابيض هو اساس الموضوع وهو الزين فيه كله حتى الاندنوسيات هذا سرهم في تضييق والتنشيف والحركات اللي عارفينها هذا اللي مزينهم
وسكر النبات علشان يزين لك طعم الخليط ويصير حالي
وهذا لهوم النفاس والدوره
ثانياً:
قهوة النفاس
وهي قشر قهوه - كمون -نانخه -زعتر بري -كلها عند العطارييين
اخلطوه واطحنوها او لاتطحنوها براحتكم اول شي قشر القهوه حلو للتنحيف خاصتن الكرشه وهالخلطه حلوه للتنظيف الارحام وحلوه للتضيييييييييييييق والخلطه هذي موجوده بكتاب اسرار الحريم وذكرها جابر القحطاني
ثالثاً:
استخدمي الفلفل الاسود والابيض مع الايدام والمرقوق والمطازيز:cook: واكلك كله ولاتاكلي البامية ولا الملوخية البصل الاخضر الحمضيات عامة واللزجة مثل المانجا والموز والشمام ولا الحبحب ولا البارد ولا الغازيات خذي ملين يصرفونه لك من المستشفى عشان البر وقل الموية تسبب امساك شديد والامساك صعب مع الخياطة اكيد فاهمين قصدي اشتري لك سرير ينصفط دوري عند اهلك اريح لك ولاتكثري المويه استبدليها بعصير تمر مطبوخ ومبرد وعلية كمون حلو طعمه
رابعاً:
التمرة
وتمرتك عجميها واعبطيعها مع السمن والرشاد واذا تبين تضيفين لها فلفل خليه وقت الاكل في صحن جانبي عشان مايصير للتمرة ريحه خايسه مع التمر والسمن:01:
خامساً:
الكبو
قشر بصل-كمون-محلب-مر-خوا جوا-حبة البركه
العشرين يوم الباقيه
سادساً:
التحاميل
عسل-مر-ملح خشن -محلب
الطريقه معروفه
العشرة الايام الباقيه
سابعاً:
الغسول
ملح خشن-مر-قشر رمان مطبوخ في الاخير استخدمة"اخر النفاس"
ثامناً:
اربطي بطنك بشماغ مو تشديه مرة توقفي الدم عن جسمك:09:
تاسعاً:
والأهم
النظافة الشخصيه وتبديل الملابس الداخليه باستمرار لمنع الالتهابات
ولاتنسي يكون معك عطر وقت الولادة تعطري مباشرة بعد الولادة منعاً للشمم وعن تجربتي
وان شاء الله اعمله في الولادة الجايه يارب:icon28:
وياليت اللي عندها اضافه وتجربتها هي تفيدنا :rolleyes:
واللي اللقاء في مواضيع اخرى
يلزم عليك تسجيل الدخول أولًا لكتابة تعليق.
الصفحة الأخيرة
^__^