سلام يا بنوتات
اخباركم عساكم بخير
والله اسفه ادري اني طولت عليكم بس ايش اسوي صاحبة الطبخه مو فاضيه اول ما اخدت منها الطريقه جيت وقلت لكم على طول
وانا حبيت اكتبو في موضوع منفصل عشان لا تضيع الطريقه بين الصفحات
اول شي بسم الله حبدء بالاندومي
المقادير
1 بصله متوسطه مفرومه
5 فصوص ثوم مفرومه
زيت
قطعه صغيره من الزنجبيل الطازج (يعني بكبر اصباعك الابهم )<<<<< ايش رايكم بالوصف
عصير2-3 طماطم متوسطه الحجم يعني الي تحبه احمر تزيد طماطم
ملعقتين صلصة صويا
خضار مشكله تقطعيها طوال (جزر –فلفل رومي (احمر واخضر واصفر )-كرفس –بصل اخضر-ملفوف )هذا الي استخدمته خالتي عاد انتي بكيفك حطي الي تبغيه
4 مغلفات اندومي واذا كنتي بتستخدمي شعيريه مقليه لا تحطي ملعقتين الصويا لانه موجود بداخل المغلف
الطريقه
اول شي تكشني البصل والثوم سوا وبعدها تحطي الزنجبيل وعصير الطماطم وبعدها حطي البهارات الي موجوده بالمغلف الي تحب الحار تحط الفلفل والي ماتحب عشان البزوره بس تحط البهار العادي
ويجي مع الاندومي مغلف فيه زيت هذا لا تحطيه
بعدها حطي صلصة الصويا (وزي ماقلنا الي تستخدم شعيريه مقليه خلاص تستغني عن الملعقتين وتستخدم الي بداخل الغلاف )
سيبيه يتسبك شويا وفي هذه الاثناء <<<ايش رايكم بالعربي حقي
حطي المويا على النار عشان نسلق االمكرونه والخضار
اول ماتغلي المويا دخلي المكرونه والخضار سوا بس دقيقتين مو اكثر وشيليه
صفيه من مويته وحطيه على الصلصه الي سويناها وقلبيهم سوا واتركيه شوي على النار لين تتشرب الصلصه وقدميه
وبالصحه والعافيه يارب
(اذا حابه تضيفي دجاج او لحم اوربيان ممكن تسلقها بملح لحالها اول بعدين تحطيها في الصلصه قبل لا تحطي الاندومي والخضار )
واسفه مره ثاني اني تاخرت عليكم خصوصا ام سلوى
(انتظرو اليوم طريقة الدجاج المقلي مدعمه بالصور من تحت ايدياتي على طريقة خالتي ) <<<< ايش رايكم بالاعلان
ليلاااس @lylaaas
عضوة فعالة
يلزم عليك تسجيل الدخول أولًا لكتابة تعليق.
رنو2000
•
يسلمووووو
ليلاااس
•
مشكوره الله يعطيك العافيهمشكوره الله يعطيك العافيه
العفو حبيبتي الله يعافيك يارب اسعدني مرورك ياعسل
الصفحة الأخيرة