انا عضوة جديدة بس متابعة من سنتين قبل ما اسجل في المنتدى على العموم انا راح اكتب لكم طريقة اهتمامي بشعري اول شي راح اقل لكم حالة شعري من قبل الاهتمام و البلاوي الي سويتها فيه:crap: طال عمركم انا عمري ما اهتميت فيه من م صرت في عمر المراهقة و صرت اتهاوش مع امي :angry2:ان انا خلاص كبرت و انا حرة في شعري طبعا اول شئ سويتة كان صبغ شعري راح و تقصف و تبت وجلست كم سنة وفردت شعري فرد>>> بالاعشاب و طلع حلو ياعيني بس الاضرار شعري خف و صار طول معين قدر ما حاولت اطولة الشعر ذا واقف لحد م صار عمري 20 قلت استوب صرت في عمر الكل يقولي عقبالك طبعا ذا بعد فرح اخويا وانا اخر العنقود يعني لا مفر من الخطوبات وكسر القلب كأني سلعة >>> قصة حياتي هههههه
قلت اذا راح اكون سلعة لازم اكون سلعة غالية واش اغلى شئ في البنت ؟؟؟اكيد الشعر
المهم انا اكرة الخلطات واكرة كل شئ الين مرة وانا افرفر في النت لقيت بعض الزيوت و قلت يلا يابنت اشتري و جربي و الزيوت هذة كانت عند حسن ظني >>>>> بعد ما قلت كل شئ خليني اقولكم كيف اهتميت بشعري و صار طويل و يلمع و غير مقصف >>>> وصف سيارة ذا مو شعر:biggrin::S_45: >>> اخلصي اعرف قرقرت كثير :huh:
يلا بسم الله
اول زيت لقيتو كان زيت املا الذهبي >>> ركزو الذهبي عشان اانا اكرة الروايح
1-هذا الزيت سعرة اظن 7 او 10 ريال المهم اول شئ قصيت اطراف شعري و بعدين بدي في الزيت لحد ما خلص كيف كنت احطة اهم شئ في فروة الراس و بعدين املس في شعري زي المساج مرات اغسلة مرات اخلية يومين واغسلة عشان يتغلغل >> حلوه الكلمة ذي:icon20: المهم ماله وقت معين بعد ما تخلص الكمية بس الصراحة الناس كلها لاحظت انه شعري صار فيه لمعة و غزر و طال بعد ما خلص الزيت رحت لزيت ثاني يلا زيت نمر توووووووو هو زيت جدايل لعبد الصمد القرشي
2-سعرة ب50 ريال بس ريحة الله لا يوريكم كيف بس استحملت عشان الغالي راح اوصف لكم ريحة مثل ريحة الحلبة يلا شمشمو و تخيلو كيف كيف الحلبة في شعرك طبعا الزيت ذا فية مجموعة زيوت و كلها مفيدة كنت اسوية في الاسبوع ثلاث مرات هو مكتوب في العلبة ساعة او ساعتين مرات كنت امشي بالتعليمات و مرات اخلية 6 ساعات وانا قرفانة بس كلو يهون عشان الغالي من ثاني اسبوع الكل لاحظ التغير للاحسن طبعا اول شئ سود شعري و فية لمعة و كمان صار اطول من اول >>>> الله اكبر الصلاة على النبي طبها استمريت لحد ما الكمية انتهت والحمدالله راضية بشعري والطول الي اخر مرة كان شعري بهذا الطول كان عمري 11 سنة >>يحليلي :04:طبعا تتساءلون كيف كنت اغسل شعري في هذه المعضلة طبعا سبت الشامبو القديم و استبدلة بشامبو لوريال لونه اورنجي للشعر المتضرر و فيه كلمات حزينة توصف شعري
3-هذا هو من غير بلسم سعرة 24 ريال والحجم الاكبر اظن ب40 ريال يعني الحجم العملاق يجلس معك اكثر من شعر وعلى فكرة بس برجع لزيت عبد الصمد القرشي اكتشفت لما تغسلي شعرك واثار الزيت راحت عنة انه ريحتة تكون زي العودة رقم 4- مشط اسنانة عريضة وياليت يكون من الخشب
فايدة يمنع تساقط الشعر و هو مبلول رقم 5- خمرية الشعر انا ما اقدر استغنى عنها دائما تعطيني انتعاش و احساس بالنظافة (انا م حطيت الصورة عشان الخمرية معروفة و م ابغى اي وحدة تتقيد بها )
رقم 6-
هذا سيروم املا هذا للشعر الجاف و كل مشاكل شعري هذا اش فايدته ؟؟؟ اول شئ يحمي شعرك من الاستشوار و يعطيه لمعة خيالية طبعا في سيرو لوريال و انواع كثيرة سعرة سعرة ب25 ريال انصحكم فيه هذا الي انا سويتة في شعري و تحول من المرحوم عليه الى شعر نابض بالحياة :icon28:
اعرف انو انا تكلمت كثير و قرقرت فوق راسكم بس حبيت انو افيدكم خواتي عشان في كثير بنات و ستات كانو مثلي ما يهتمو بشعرهم الا لما جات جات مناسبة (خطوبة - زواج - او اي مناسبة ) بس حبيت افيدكم انتظروني في قسم البشرة و اقلكم كيف اهتميت ببشرتي :42::icon31:
حياكم في موضوعي وم تنسو تاخذو بنادول بعد موضوعي عشان انا صدعت وانا صاحبة الموضوع اجل انتو كيف (بس ابغى دعوة منك ان الله يوفقني و ما اكون سلعة للناس لمدة طويلة ) >>>> اكيد فهمتو اش اقصد اي سؤال انا حاضرة
اختكم في الله:26: