كل وحده تجهز ابرتها وخيوطها
الابرة المستخدمة مقاس 3.5 كما موضح في الصورة
والصوف ممتاز من نوع تركي طلبته من النت جدا ناعم
وهذي صورته
نبتدي نسوي 10 سلاسل
ناخذ ارتفاع 3 سلاسل (نحسبها عبارة اول عمود) ونسوي في نفس الغرزه 3 اعمده يعني المجموع مع الارتفاع 4 اعمده كما في الصورة
بعدين نشتغل 8 عامود
راح تضل عندنا اخر سلسلة بنشتغل فيها 7 اعمده كما في الصورة بعدها نكمل 8 اعمده وفي غرزة البداية (قبل اشتغلنا 4 صح) الحين نسوي 3 ونسكر بمنزلقة
فالمجموع بيصير
7 اعمده (مع الارتفاع 3 سلاسل نحسبها عبارة عن اول عامود)
بعدين 8 اعمده
بعدين 7 اعمده في نفس المكان
بعدين 8 اعمده
مثل الصورة
وبنشتغل فوق الثمانية اعمده نفسها ثمانية اعمده مابنغير
ونفس الشي فوق ال7 اعمده الي بعدها عامودين
وال8 اعمده نشتغلها زي ماهي
والصورة توضح لكم
ونسكر بمنزلقة
اذا نبي نتاكد اكثر رح يكون عندنا المجموع الان 44 عامود (مع الارتفاع 3 سلاسل نحسبها عبارة عن عامود)
***
الخطوه الي بعدها نشتغل فوق كل عامود عامود مجموع 44 عامود
كما في الصورة ونسكر بمنزلقة
الحين ركزوا شوي
نشتغل 10 اعمده عاديه (مع الارتفاع 3 سلاسل نحسبها عبارة عن عامود)
بعدين نسوي غرزة التنقيص وهي دمج كل عامودين في عامود
وهذي طريقتها بالفيديو
http://www.youtube.com/watch?v=ndkhe-dcklQ&feature=related
نسوي هالطريقة 12 مرة يعني على 24 سلسلة
وبعدين يتبقى لدينا ان نعمل 10 اعمده ونكمل المرحلة وهذي صورة توضح لكم ونسكر بمنزلقة