السلام عليكم ورحمة الله وبركاته
لي فتره وانا ابي انزل الموضوع بس كنت مشغوله مرررره في بيتي
والحين جاء الوقت اللي افيد حبيباتي بعالم حواء واتمنى ان الموضوع يتثبت لتعم الفائده
انا ياطويلت العمر فصلت مطبخ ولسه ماخلص بس المشكله ان الجدران عندي
سيراميكها مره متكسر وشغلت مخي قلت خليني اصلحه بالمعجون
كسرت السيراميك كامل وبديت اشتغل
اول شي حددت المكان الظاهر اللي بين الدواليب اللي فوق واللي تحت
جبت شطرطون صغير وحطيته على الجدار وخليته زائد مع الاطراف علشان اقدراسحبه بعد ماحط المعجون عليه بالطريقه هذي
وهذي من جهه ثانيه
وهذي بعد
ولما خلصت جبت جالون معجون جدران كبير قيمته اربعين ريال
هذا شكله
وباستخدام اداة التلييس اوزعه على الجدار فوق الشطرطون
طبعا على حسب ماتبغين اذابغيتي الطبقه سميكه كثري معجون واذاخفيفه حطي قليل انا خليت الطبقه خفيفه
وهنا بعد ماخلصت توزيع
بعدين نبدأ نشكل المعجون
يعني نجيب اداة تلييس ثانيه ونبدا نموج المعجون يعني احط الاداة على المعجون وابدا اسحبها على تحت بس على خفيف ان شاء الله فهمتوني مثل الصوره
بعد ماخلصت تشكيل اتركه يجف ساعتين
بعدين اسحب الشطرطون طبعا زي ماقلت لكم تطولون الشطرطون مع الاطراف حتى يسهل علينا سحبه
وهذا شكله بعد ماسحبت الشطرطون
في اليوم الثاني نجيب صنفرة جدران ونبدا نصنفره
للي مايعرفها هي مثل الكرتونه سوداء تحصلونها عند اللي يبعون مواد البناء
طريقتها تدعكين المعجون فيها على خفيف حتى تطيح الزوائد
بعدين نجيب بويه اساس ونصبغه فوق الحجر بالفرشاة وبعدين نصبغه باللون الاصفر ونتركه يجف
ونجيب بويه بلون الحجر اللي تبغين طبعا جليز حقتت التعتيق وتخففينها بالتنر حتى تصير سايله وتبدين تلونين الحجر
بالفرشاه وبقطعة شاش صغيره نمسح الخطوط اللي بين الحجرحتى يصير لونه افتح من الحجر
وبس
هذا شكله بعد التلوين
وهذا مدخل البيت مسويته قبل سنه