مدري وش فيني اليومين هذي ماغير اجرب من الحلويات هذا وانا ناويه ابدا بدايت
الموهيم انا احب اجرب بشكل عام واللي يعجبني اركنه بالمفضله عندي وهذا الحلا راكنته من فتره وقلت بجربه وطلع وااااو صراحه بشهادة اللي ذاقوه
فحبيت انزله لكم وان شاء الله انه يعجبكم وتبردون خاطري بالردود والتطبيقات
بسم الله ماشاء الله تبارك الله
ما راح اطول عليكم
اول شيء المقادير على ثلاث طبقات
أ)اول طبقة بسكويت دايجستيف انا حطيت 2 ك بسكويت بعد ماطحنته + ملعقتين كبيرة زبده بحرارة الغرفه وممكن تزيدي اذا حسيتي انك تحتاجي
سوري مدري وش قلب الصورة
وهنا بعد ماحطيته بمحضرة الطعام خلته ناعم ووزعت الزبده كويس عليه
نجيب صينيه وسط ونغلقها بالقصدير كويس وبعدين نحط فيها خلطة البسكويت بالزبده ونوزعه بالتساوي حول الصينيه بس بدون ضغط قوي
بعدين ندخله الفرن حول 10 إلى 15 دقيقه على نار هاديه
ونخرجه ونخليه يرتاح وبكذا خلصنا الطبقة الاولى
ب) الطبقة الثانيه
انا ماكان عندي خلاط الكيك فستخدمة محضرة الطعام مره ثانيه
نحط علبتين فيلادلفيا مقاس 200 جرام الا ربع
3 بيضات
ربع ملعقة ملح + ثلث كاس حليب سائل
وعلبة دولسي دي ليش هيك اسمها والله اعلم
طبعا دورت العلبه بالسوبر ماركت مالقيتها فسويت البديل اللي هو علبة حليب نستله المحلى حطيتها بقدر لمده ساعتين وعليها واذا عندك قدر ضغط ساعتين كفايه تخليها تتكرمل زين وتثقل
وشوفو حليب النستله يوم طلعته وخليته يبرد وقلبته بالملعقه
وهذي علية الدولسي دي ليش
نحط علبتين فيلادلفيا الا ربع بخلاط الكيك بالنسبه لي حطيتها بمحضرة الطعام
نخليها اللين تصير لينه او تتجانس بعدين نحط بيضه بيضه ونخليها تخفق وبعد كم دقيقه نحط الملح والحليب واخر شي احط علبة النستله المكرمل ونصبها فوق البسكويت ونحطها في حمام مائي يعني نحط صينيتنا في صينيه اكبر فيه ماء وندخلها الفرن لمده 45 دقيقه او اللين تجمد الطبقه طبعا على نار هاديه
وندخلها الثلاجة لمدة اربع ساعات الى ثلاث ساعات
ونجهز الطبقة الثالثة
ج) شوكولاته خام ربع باكت او اكثر من الربع بشوي اي درجه باللون تفضلين عاددي يعني تبينها شوكولاته فاتحه او غامقه بكيفك + ملعقه كبيرة زبده بحمام مائي وعلى طول فوق الطبقه اللي تكون جمدت قبل ثلاث ساعات
وقطعيها على طول بالشكل اللي انتي تحبينه لانه اذا جمدت طبقة الشوكولاته راح تتكسر فلاافضل انك تقطعينها بعد ماتحطي الطبقه على طول وتخليها بالثلاجه لمدة ساعتين او اكثر وبالعافيه يارب نشوف الصور
وهنا عشان تشوفون الطبقات وكيف ان طبقه الشوكولاته خفيفه مره
وهنا جهزتها لاختي اخذتها لصاحباتها
من قريب
دعواتكم والله الله بالردود
