بصراحه انا لاحظت ان وايد عضوات يبون تواقيع وهالشي يسعدني ويشرفني اني اصمملهم وفيه وايد مواضيع مختصه بالتصميم
لكن للاسف كثرت الطلبات وانا انشغلت بالتدريس وحسيت اني مقصره معاكم وهالشي حيل احرجني معاكم
قلت بصمم دروس وانتو صممو تواقيعكم بنفسكم احسن عالاقل تتعلمون وتعتمدون على نفسكم
وانشالله بحاول اضمن الدروس اكبر عدد ممكن من طرق التوقيع
مثل البراويز والدمج والتاثيرات والكتابه والتدرج والستايلات .. الخ
يعني اللي بتصممم بتلاقي كل شي هني
اول شي نبدا بتصميم بسيط على صوره جاهزه في فوتوشوب مي 7 واعتقد كل الفوتوشوب نفس الطريقه
واتمنى من الاخوات المشرفات انهم يثبتونه لانه مهم وبيكون شامل
1- اضغطي ctrl + o واختاري الصوره اللي تبين تسوين عليها التوقيع ( طبعا تكون مخزنه في الجهاز ) نختار اي صوره وبعدين نضغط open
مثلا بختار هالصوره
واذا بتكبيرنها او تصغرينها اضغطي هنا
= اول شي بنسوي اطار بسيط وانشالله بعدين بشرح اكثر من طريقه للاطار
2- نختار لاير جديد
shift + ctrl + n
او مثل الصوره اللي عليه دائرة ورديه
3- نختار أداة التحديد المربعه
ونحدد الصوره بهذا الشكل
نتأكد ان اللاير الاول مظلل عشان نشتغل عليه
( طبعا الافضل ان كل خطوه نسوي لها لاير او طبقه بروح عشان اذا صار اي غلط نلغيها بدون لانلغي كل الشغل )
4- نروح حق
Edit ====> stroke
مثل الصوره
بيطلع مربع مثل الصوره نسوي بالضبط نفس الصوره ونختار اللون المناسب ( ممكن تقللون قيمة العرض width اذا ماتبون الاطار يكون عريض تحطون رقم 5 مثلا ) وتختارون center
بعدين نشيل التحديد ctrl + d
5- الحين تقدرون تتلاعبون بالاطار بالشكل اللي تبونه
= ممكن تخلونه نفس اللون وتروحون نفس اللي بالصوره ( اللي عليه دائره ) وتجربون كل التاثيرات لحد ماتختارون تأثير معين
= او ممكن تختارون اي ستايل مناسب من Styles
وانا اخترت هذا الستايل وهذا الشكل النهائي
يتبع مع طريقة الكتابة
:06::06::11:
نسيت اقولكم خزنو الصوره اذا خلصتو عن طريق ctrl + s بصيغة PSD
عشان بعدين تشتغلون عليها وانا عادي اخزنها بصيغه JPG وافتح الفوتوشوب واشتغل عليها مثل اي صوره عاديه
بس الافضل تخزنونها بصيغة PSD