صباح الخير ياعسل


وهذه كمان

الله الله الله شهازين ام خالد :27:

الصوره الاولى حلوه وجنها اطار صوره الخام اللي محشي باسفنج بس الخط صغير حيل

والصوره الثانيه حلوه والوانها حلوه بس اسمج تحت مو مبين ولو محددته بلون اسود احسن

بس ليش تخلين الاطار عريض من تحت وفوق ؟؟

حاولي تخلينه متساوي من كل الجهات واذا كنتي بتعرضينه عرضيه من تحت بس واكتبي عليه كلام وبالنص حطي صوره معبره

وبصراحه الباترن عندج حلوه ماشالله

بس والله فرحانه فيج لانج قاعده تتعلمين وعندج دافع :26: :26:

انشالله اليوم بنزل درس ( الاطار بالفلاتر )

عمل اطار بالفلاتر

1- نفتح الصوره ctrl+o و نفتح عمل جديد ctrl +n
انا بفتح هالصوره
( اخيرا قمت احمل على المنتدى )



2- نضاعف الطبقه مرتين
عن طريق
layer ==> duplicate layer
تكررين هالخطوه مرتين لحد مايصير عندج 3 طبقات مثل الصوره



راح نشتغل على الطبقه الثالثه اللي مظلله بالصوره اللي فوق

3- نختار اداة التحديد المربعه ونسوي اطار

4- نضغط shift + q



5- نختار من قائمة فلتر
( حاولو تجربون كل اللي في قائمة blur )
انا اخترت قيمة 10



6- نختار من قائمة فلتر
نختار من رقم 15 - 20 وتقدرون تختارون بكيفكم حسب الشكل اللي تبونه



7- نضغط shift + q ثاني مره

8- نضغط shift + ctrl + i عشان نقلب التحديد

9- نضغط ctrl + x راح ينقص التحديد ويختفي

10- نروح للطبقه الثانيه



11- نطبق اي ستايل بالضغط عليه وبيعطينا هذا الشكل




وتقدرون تطبقون بعد اي تدرج بدال الستايل
وهم تقدرون تطبقون اي باترن عن طريق edit ==> fill

بشوف تطبيقاتكم وبسكم كسل :06::11:

هذا التطبيق وصل

http://members.lycos.co.uk/morab1407/up/up/floweran copy.jpg

عاشت دلع والله :24:

بس الاطار مو واضح لان الخلفيه متروسه ورود وحاولي تعرضين الاطار
وحاولي تسوينها على خلفيه ساده وبعدين ادمجي كل الطبقات عن طريق shift+ctrl+e
وبعدين ارسمي شكل قلب من مربع الاشكال وكبريه وبعدين افتحي الصوره واسحبيها للقلب وبعدين سوي ctrl+g

طبعا انا حطيت تاثيرات شدو وستروك على القلب

بعدين دمجتهم مره ثانيه وبعدين كتبت النص



هذي مجرد فكره ثانيه


تحياتي :26: :24: