السلام عليكم
كيفكم اخواتي العزيزات اولا حابة اشكركم لان بفضل الله ثم فضلكم تغيرت كتير ولله الحمد وظبطت بيتي
كان عندي مشاكل في البيت وانا اتربيت في بيت على قدنا الشي الموجود نستعملة والمو موجود نحاول نجيبه ما قدرنا خلاص نعوض بغيرة
وكلمة نعوض بغيرة كانت دايما تحصل
عموما اتزوجت وزوجي ما شا الله انسان فوضوي ويحب الترتيب يعني انا فوضوي ايوة لكن انت لا لازم تكوني بيرفكت
فاتخيلو لما يكون زوجك فوضوي ويعشق الترتيب فالامتحان لو حاجة مو مظبوطة
ولا تتوقعو ان دا الشي مزعلني ابدا ليش لاني انا احب اكون بيرفكت فهو بيساعدني ومن جد يعني صبر عليا كتير وساعدني اكتر
وكل مرة اقول حاظبط البيت هاعمل غارة علية وانظفه وكلو كلام لحد ما قلي شوفي نفسك اللي بعمرك ستات بيوت مو مبتداات
قلت خلاص مافيها ورتبت لنفسي جدول
اولا اديت لنفسي اسبوع تقييم للبيت اخدت ورقه وقلم واخدت البيت غرفة غرفة وكتبت كل شي شايفتو مشكله اكيد ما اخدت الاسبوع كلو لا بس بعد ما خلصت الايام الباقيه خليتها للمراجعة يعني ممكن شي مااكون انتبهتلو وما تصدقو اني اكتشفت مشاكل تانيه وكل يوم اقعد عالنت واقرا في الامور المنزلية وبرضو اكتشف مشاكل موجوده وانا ما شفتها وغيري شافها
واكتب الحلول لكل مشكله وقعدت زوجي وقلتلو كل مشكلة وحلها والحمد لله كان جدا متعاون معايا ونزلني كل الاسواق عشان اكمل النواقص والحمد لله ما بقيلي الا التحف الزين وبس
وما انكر فضلكم لانو كنتو اكتر شي الاقي الحلول عندكم وبس اخلص حاصورلكم المشاكل وكيف حليتها بس ممكن اعرض عليكم منها كم مشكله والاشياء اللي بنفسي فكرت فيها وحاجة تبسطني
يعني ما كان عندي مكان اني اجيب السبات اللبلاستيك واحطها في المطبخ وكمان ما لقيت اللي يناسب مطبخي رحت ايكيا واشتريت رفوف وركبتهم بالمطبخ
وحطيت عليهم الاغراض اللي مالها مكان وزاحمتني ورف صغير يكون قريب وعليه 3 سبات اخدتهم من ايكيا وباحجام الكبير للبطاطس والوسط للبصل والصغير للثوم وجنبها حطيت علاق ملابس وعليه كل المكانس وارتحت من ريان ونطورتهم بكل مكان
واترتب المطبخ بطريقه فظيعه ما تتخيلو كيف وجبت كراتين كمان من ايكيا وكل كرتون لشي يعني واحد للبهارات والتاني لاغراض الكيك والمعجنات و
واحد للاكياس والعلب وواحد لصحون الضيوف
وعشان اخلص من مشاكل ريان والمطبخ مطبخي مالو باب وافكر واعصر مخي لحد ما لقست الحل بساكو وب130 ريال بس
ملابس زوجي مافي مرة الاقي درجه مرتب ليش يقول ما الاقي اللي ابغاة قمت اشتريت من ايكيا العلب اللي تكون من قماش
ورتيت الشراريب بحيث راسها يكون لفوق وحتى الداخليات عشان زوجي يلبس بوكسرات خليت راسهم لفوق بحيث يشوف اللي يبغاه بدون ما يخرب الباقي
وواحد للكابات برضو وشراريب ريوني كمان
بطريقة واضحة ورحت لدولابي وتعالو شوفو الكركبة وحطيت نفس العلب واحد للحماليات
والتاني للداخليات
والبناطيل علقتها عشان ما اتعب وانا ادور
والبلايز عملتها رول بشكل اعرف البلوزة بدون ما افتحها هادي كانت فكرة اخدتها من احد الاخوات بالمنتدى الله يسعدها مرة ريحتني
وظبطت الحمام والادويه كانت عاملة زحمة بالتلاجه واححوووس والاقي الحل واحطها بسبت وفي دولاب الحمام اللي يشوف يفكر سبت عادي
هادي بعد مارتبت الادويه
هادا غير التنظيف كل يوم مكان لما اخليه يلق من النظافة حتى زوجي يدخل يحس انو مكان تاني عموما تقريبا هادي نظرة سريعة وليا رجعة واكلكم
الاخت شيرة نت كانت سالتني عالخاص بس ما الاسف انا عضوة جديدة مايمديني ارد فعملت الموضوع لعيونها واعترافا بجميلكم عليا ولا تنسو انا عضوة جديدة وليا 3 ردود بس فلو اتاخرت سامحوني جزيتم خيرا عني
على فكره سبتاتك زي الي عندي بالضبط