~ ياخـ وينك ـــوي ~ :

انا حاولت مع بنتي لما كان عمرها سنه وشهر .. وماكملت اليوم لانها سوتها على نفسها .. فخلاص وقفت .. بعدها حاولت وعمرها سنه ونص .. وبعد ماكملت يومين الا ورجعت عالبامبرز .. وحاولت بعمر سنتين ونص .. لان اختي بدت تعلم بنتها في نفس الوقت .. بنتها تعلمت بس انا بنتي مللتني كثيييييير ولا مره سوتها في الحمام ابدن .. ورجعنا عالبامبرز .. بس صار عمرها سنتين و8 شهور هي من نفسها قالت لي ماما ابي اروح الحمام ( تكرمون ) انا كبيرة .. والحمدلله ماشاء الله عليها اول يوم سوتهم كلهم في الحمام ( الا الكبيرة عملتها في الحفاظه بالليل قبل ماتنام ) وطبعاً سوينا عرس انا وابوها صفقت لها وحبيتها وغنيتلها وعطيتها من المديح والكلام الحلو اللي شجعها .. حتى بعدين صارت من تسوي شي تقول انا كبيرة ياماما صح ؟! ولما تسويها في الحمام تنبسط وتفرح ومع كل شي تسويه صارت تقول صفقيلي انا شاطره ولا خلي بابا يجي يشوفني سوت في الحمام ولا طلعت علمت عماتها بره من الوناسة .. ===> ياحلوها وربييييييي :) المهم واليوم اللي بعده ولا شي سوته في الحمام كله عالملابس .. واللي بعده احسن شوي بس الكبيرة سوتها في الملابس .. واللي بعده كلهم في الحمام .. والحمدلله بعدها خلاص مااااعاد سوت واي شي تبيه تقولي ماما حمام بسرعه وخلاص .. ارتحنا من هم الحفاظات بس جاني هم ثاني وهو بالدقيقة عالحمام .. بس الحمدلله الحين احسن .. المشكلة لا جيت اطلع ارجع البسها اياها .. وش الحل ؟! خصوصاً الطلعات الطويلة شوي يعني مالة 4 -5 ساعات ؟!! وبالنسبة لليل .. الاحظ ان حفاظتها تكون جافه احياناً .. والصبح اول ماتقوم على طول تحن تبي تروح الحمام وتسويها بس تكون طوووووووويلة .. ( حبيبتي اخاف تكون ماسكة نفسها ) هي مره قالت وهي نايمه تبي تروح الحمام بس لما خذتها مارضت وجلست تبكي ورجعتها عالسرير .. يعني ممكن اقدر اعودها عالحمام ونترك الحفاظه بالليل ؟!! اتمنى الخبيرات يفيدونا .. . . .

انا حاولت مع بنتي لما كان عمرها سنه وشهر .. وماكملت اليوم لانها سوتها على نفسها .. فخلاص...

رحارح :

بالنسبه لعيالي بنتي وهي عمرها سنتين فطمتها عن الحليب و البامبرز بالنسبه للبامبرز بديت بالساعات .. يعني فاليوم اخليها ساعه بس بدون بامبرز وبعدها البسها .. طبعا اكيد خلال هالساعه انت تودينها الحمام ولا تنتظرين هي تقولك اريد اروح ..لأنها بعدها ما تعودت.. وبعد اسبوع بدون البامبرز لمده أطول وهكذا الى ان اوصلها ليوم كامل بدون بمبرز في النهار بس .. ولما اشوفها افهمت عالحمام .. ابدأ فترة الليل .. بين الساعتين او الثلاث اصحيها واوديها الحمام تتبول ..الله يعزكم.. صح انج بتتعبين بس النتيجه شو... راحه على طول .. وبالنسبه للبراز .. الله يعزكم.. اجلس معاها ولو ساعات الى تمل وتسويها في الحمام .. اسولف معاها واوصفها بالصفات الحلوه .. انت شاطره..نظيفه .. انت مثل فله تروحين الحمام .. ولما سوتها اشتريت لها حلاوه .. وحسيت انها تشجعت .. قمت وخذت كميه من الحلويات وكل ما تسويها اعطيها مكافأه الا ان تعودت .. والا ولدي .. لما سواها اول مره طبعا بعد صراع طويل قام يصارخ وخاف لدرجه ماتتخيلونها ..بس بعدين تعود خلاص .. وبزيدكم من الشعر بيت .. الضغط على السيفون .. بعد لازم نعلمهم ان ضروري بعد ما يخلصون قضاء حاجتهم لازم يضغطون عليه ..في البدايه محد منهم عطاني وجه .. بس شو سويت .. قلت لهم اذا ما ضغطوا بيجي الفار وبيعظكم لأن بيشم ريحه وسخه وبيعرف مين اللي عملها ..!! ومنها من يخلصون على طول يضغطون على السيفون ..

بالنسبه لعيالي بنتي وهي عمرها سنتين فطمتها عن الحليب و البامبرز بالنسبه للبامبرز بديت...