الـــســلام عــليــكـــم ورحــمــة الــلــه وبــركـــاتـــه
ياهلا وغلا فيكم حبايبي هذي طريقة تمر بالصينيه ادماااااااااان
كلمة رهيبه شويه عليها نصيحه الي مسويه رجيم لاتصلحها تتوهق
زيي تراها دسمه شوي بس تستاهل :o
المقادير:
تمر سكري الي يجي ناشف شوي
بسكوت شاي اولكر مطحون كبيرطبعا
اصبع زبده سايح
نص قشطه
نص حليب نستله
5 حبات جبن كيري
التوفي:
3 ملاعق سكر
نص قشطه
نص ملعقه صغيره نسكافيه
قطعه صغنونه زبده
الطريقه:
نحضر الصينيه الي تفتح مع جنب ونبطنها بقصدير
نطحن البسكوت ونخلطه مع اصبع الزبده
نجي للتمر يشق مع النص وتطلع حبات النوى الي
هو (الفصم) ونحشي التمر بالبسكوت وتسكرالفتحه
بعدها نخلط نص القشطه والحليب والجبن بالخلاط
وتصب على التمر الي بالصينيه وتدخل الفرن من
تحت بس حتى تتماسك
بعدها نحضر التوفي 3 ملاعق سكر على النار حتى
يشقر ويحط عليه قطعة الزبده الصغيره حتى تسيح
بعدها على طول القشطه والنسكافيه نخلطها
ونحطها على التمر بعد مانخرجها من الفرن
نتركها لما تبرد ونقدمها مع القهوه واااااو ماحلاتها
تقدرين تحشين التمر وتحطيه بالثلاجه اذا جاكم
ضيوف تطلعيها وتحطي الخلطه عليها وتدخليها
الفرن اسهل شي بسوي مجموعه قبل رمضان ان
شاء الله واحطها بالفريزر اترككم مع الصور
هذه بعد مارصيناها بالصينيه
وهذه بعد ماحطينا عليها الخلطه
وهذه بعد ماطلعناها من الفرن
وهذه بعد ماحطينا عليها التوفي :32:
وبالعافيه على قلوبكم
جربوها وادعولي بصلاح عيالي
الرزينه2008 @alrzynh2008
عضوة نشيطة
يلزم عليك تسجيل الدخول أولًا لكتابة تعليق.
سمنتي دمرت حياتي
•
روعــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــة
الصفحة الأخيرة