غرومة.. @ghrom_1

محررة برونزية

طريقة تنظيف الروبيان والاسماك بالخطوات المصورة من مطبخي ..

لاحظت ان اغلب البنات ما يعرفون طريقة تنظيف الروبيان و الاسماك ، وان شاء الله راح يكون هالموضوع بفايدة للكل وانا هنيه استعنت بسمك الزبيدي كمثال وانتو طبقوه على كل الانواع ، اتمنى ان موضوعي هذا يفيدكم يالغلا ..

طريقة تنظيف الروبيان ..

الروبيان احجام الصغير ، الوسط والجامبو "الكبير" واللي انا استخدمته الوسط ..

نفصل الرأس عن باقي الجسم بهالطريقة..

باستخدام مقص المطبخ اقطعي مقطع صغير تقريبا 1\2 سم ببداية الجسم من فوق ..

ونسحب خيوط الظهر الملونة باليد وشوي شوي عشان ما ينقطع ..

نقص بالمقص ايادي وارجل الروبيان ..

38K

يلزم عليك تسجيل الدخول أولًا لكتابة تعليق.

تسجيل دخول

غرومة.. • 17 سنة

واخيرا اما انك تقشرينها كاملة ..

أولأحلى شكل "عندي شخصيا" وعشان ما يصغر الروبيان وايد عند الطبخ نشيل نص القشر بس ونخلي القشر اللي متصل بالذيل والذيل ..

ويغسل بالماء الجاري ..

وهذي طرق بسيطة لعمل الروبيان اتمنى تعجبكم ..

روبيان مشوي بالعسل وخلطتي السرية ، من مطبخي بالخطوات المصورة حياكم ..

بروستد روبيان والصلصة الروووووووعة بطريقتي بالخطوات المصورة..

غرومة.. • 17 سنة

طريقة تنظيف الزبيدي ..

هذي السمكة قبل التقطيع ..

نقطع الذيل والزعانف والجوانح اما السكين أو المقص وهو الاسهل والامن بالاستخدام ..

وهذا شكلها بعد التقطيع ..

في بالزبيدي خط واضح من الراس للذيل وانا مأشره عليه بطرف السكين "ان شاء الله يكون واضح" ..

لازم نفتح السمكة من بداية هالخط مع الضغط باليد على السمكة بهالطريقة "عشان نضمن ان السمكة مفتوحة من النص"..

لاحظوا العظام شلون نظيفة من اي لحم سمك لان فتحناها من خط الظهر ..

غرومة.. • 17 سنة

غرومة.. :

طريقة تنظيف الزبيدي .. هذي السمكة قبل التقطيع .. نقطع الذيل والزعانف والجوانح اما السكين أو المقص وهو الاسهل والامن بالاستخدام .. وهذا شكلها بعد التقطيع .. في بالزبيدي خط واضح من الراس للذيل وانا مأشره عليه بطرف السكين "ان شاء الله يكون واضح" .. لازم نفتح السمكة من بداية هالخط مع الضغط باليد على السمكة بهالطريقة "عشان نضمن ان السمكة مفتوحة من النص".. لاحظوا العظام شلون نظيفة من اي لحم سمك لان فتحناها من خط الظهر ..

طريقة تنظيف الزبيدي .. هذي السمكة قبل التقطيع .. نقطع الذيل والزعانف والجوانح اما...

نشيل الخياشيم والاشياء اللي تكون قريبة يم الراس ..

وهذي بطن السمكة بعد التنظيف..

ممكن نقص خطين او قطعين بنص بطن السمكة بشكل خفيف عشان نضمن النكهة "البهارات تتشرب احسن" والاستواء السريع ..

نغسلها بالماء الجاي ونشفها شوي ونبدى نبهرها ..

البهارات العادة نبهر فيها الزبيدي "كركم ، دارسين ، فلفل اسود ، كاري ، فلفل ابيض وملح "..

وهذي اسماك الزبيدي بعد التبهير وجاهزة للتفريز او الطبخ " وانا مكثرة البهارات عمدا عشان كان لغداي انا وبنات خالتي واحنا نموت فيه جذي" ..

وهذي طريقة لمقلوبة الزبيدي اللذيذة ..

مقلوبة السمك الحامضة الحلوة روووووعة بالصور..

دعواتكم لأبوي الغالي ان الله يشفيه وطولنا بعمره..
وان الله يرزقني الــزوج الصالح الغني بدينه وماله وأخلاقه اللي يفرح قلب امي وابوي..
اللهم أميــــــــــــــــــــــــــن ..

حبيبي يارسول الله5 • 17 سنة

الله يعطيطي 1000 عافيه
على المجهود الراااااااااااائع

أم لجووونه • 17 سنة

الله يسعدك ويشفي الوالد ويخليه لكم ويفرحك بالزوج الصالح الغني بدينه وماله بعد وتكونين عنده أغلى الناس ياقلبي وتسلم يدينك على هالأأفكار الحلوه لأنه فعلا ناس كثير مايعرفون ينظفون الروبيان ولك كل الشكر يالغاليه.