شحالكم بنات ......
اليوم يبت طريقة يديدة لحـــــــــلى الكـــــــورن فلـــــــــكس بالشوكــــــولاته.....
شوفو الطريقة وجربوها ما راح تندمون....
المقـــــــــــادير:
8 حبات مارس متوسط او يمكن تستبدلوها بجالكسي بالبندق او سنيكرز بس تكون الذ بالجالاكسي..
علبة كورن فلكس المتوسط الي يكون عليه صورة الديك
قالب زبدة
ربع كوب حليب
صحن جوز الهند مبشور
صحن مكسرات مبشورة
الطــــــــــــــريــقة:
- تسيح الزبدة وتوضع حبات الشوكولاته المقطعة لمدة ثواني حتى تسيح . لازم تكون النار هادية وايد علشان ما تحترق
- تضاف الحليب وتخلطين عدل الين تستوي سايحة وتحصلين الملعقة يوم تشيلينها تنزل الشوكولاتة ممكن تزيدين الحليب اذا حصلتيها لاصقة وايد بالقدر.. البعض يحطها في الخلاط لحد ما تستوي كريمة بس انا احركها وايد الين تصبح كريمة....
- تكسرين الكورن فلكس لحد ما يستوي ناعم
- يوضع الكورن فلكس فوق الشوكولاته السايحه ويقلب حتى يغطى الكورن بالشوكولاتة وتصبح غليظة...
- ترفع عن النار وتترك لما تبرد قليلا وتشكل دوائر او ممكن تاخذين القوالب المشكلة مالت البسكوت مثل النجوم والمكعبات (تفرديينها براحة ايدك وتشكليها بالقالب الي عندك) لا تنسين تلبسين قفاز يكون احسن..
- بعد ما تشكلينهم تقلبين بعض منها بالجوز المبشور والبعض بالمكسرات المبشورة او ممكن تاخذين السكر الملون مال الكيك وتغطينه او تاخذين حبة فستق وتزينين فيه.. عاد انت وابداعاتك....
ثم توضع في مغلف الكيك هاذي الاوراق الحلوة..وتوضع بالثلاجة...
وتقدم بالهنا والشفا بس ها مو تكثرون من اكلها ....
um_al_3n0od @um_al_3n0od
عضوة جديدة
يلزم عليك تسجيل الدخول أولًا لكتابة تعليق.
مجرد اسم
•
تسسسسسسسسلم الايادي
ياسلاااااااااااام كووووووورن فليكس ومارس اكيييييييييد رووووووعه 100%
يعطيك العافيه في اقرب فرصه بجربها ان شاء الله:26:
يعطيك العافيه في اقرب فرصه بجربها ان شاء الله:26:
الصفحة الأخيرة