طريقة جديدة للكشف عن الحيوانات المنوية

السلام عليكم ورحمة الله وبركاته...

بنات البارح سمعت في برنامج زوايا في الفضائية القطريه اللي تقدمه ذهبية جابي

ان الحين الزوج اللي ماعنده حيوانات منوية بالتقنية الجديدة ان يتم البحث عن حيوانات منوية بالتصوير المجهري على الخصية بدل من عمل الخزعه لان عمل الخزعه احيانا يتم في منطقتين او 3 وربما تكون هناك حيوانات منوية ولكن الدكتور يحكم من الخزعة انه لاتوجد ولكن بطرية التصوير ماادري شسمها بالضبط يتم الكشف اذا كانت فعلا توجد حيوانات منوية او لا ...
وحده من قطر مطرشة للمذيعه حالتها وانه كان زوجها لاتوجد عنده حيوانات منوية ولكنهم عملو هذه الطريقه الكشف عن الحيوانات المنوية بالتصوير واكتشفوا ان عند زوجها حيوانات منوية وعملت الحقن المجهري وتنتظر النتيجه ربي يسعدها ويفرحها يارب حبت الخير للجميع وطرشت الطريقه عالبرنامج .. وهي عملتها بالسعودية في مستشفى ذرية عند الدكتور حمود المطيرقي

ولبنات قطر ... هذه الطريقه موجوده عندنا في قطر في احد المستشفيات الخاصه على مااعتقد في المستشفى الاهلي مو متأكده من المستشفى بس المذيعه قالت انها موجوده هالطريقة في قطر في احد المستشفيات الخاصة وراح تعمل لقاء مع الدكتور اللي يسويها :09:

حبيت افيدكم يابنات ..

ادعولي الله يشفي زوجي ويرزقنا بالذرية الصالحه ..