طريقة حفظ الطعام

السلام عليكم .. كيف حالكم ياغاليات
فيه طريقة سهلة لحفظ النعناع عدة شهور بدون مايتغير طعمه
.. بعد ماتشترين الكمية اللي تكفيك لمدة شهر مثلا حزمتين او ٣ حزم تغسلينها على طول وهي باقي طازجة قبل ماتحطينها في الثلاجة وتقصين الاعواد التالفة منها وتوزيعن الكمية في اكياس بلاستك صغيرة كل كيس تحطين فية المقدار اللي يكفي لكوب واحد شاي وتحفظينها في الفريزر على طول وكل مابغيتي تحطين نعناع في الشاي تاخذين واحد من الاكياس وتحطينه في البراد بعد ما يغلي الماء واذا غلي النعناع في الماء تصبينه في الكوب وتحطين الشاي
النعناع يتغير لونه مع التجميد في الفريزر ويبان شكله كأنه خربان لكنه مو خربان يبقى طعمه طازج مع التجميد
.. والملوخية برضو تحفظ في الفريزر لو عدة شهور تبقى طازجة
.. بعد ماتشترين الكمية اللي تكفي لمدة اسبوعين او ٣ مثلا وتقطعين الاوراق
وتغسلينها وتفرمينها توزعينها في اكياس بلاستك وتحطين في كل كيس الكمية اللي تكفي لوجبة وتحفظينها في الفريزر واذا جا وقت الطبخ تاخذين واحد من الاكياس وتحطينه في المرقة وهي تغلي وتحركين الملوخية في المرقة لين تتفكك وبعدين تتركينها تطبخ مدتها المعتادة عشر دقايق وتقدم
.. والطماطم كذالك يغسل ثم يفرم في الخلاط او الفرامة ثم يوزع في اكياس بلاستك كل مقدار وجبة في كيس ويجمد في الفريزر
..ونفس الشي البطاطس والفاصولية وكل الخضار تغسل وتقطع وتحفظ بنفس الطريقة
..بالنسبة للبطاطس حفظها يبيلة حرص اكثر في الفريزر عشان مايتغير لونها
يعني ماتوضع اكياس البطاطس على بعض الا اليوم الثاني بعد ماتجمد لازم الاكياس تكون متفرقة عن بعض عشان تجمد بسرعة
.. حتى اللحم بانواعة تقدرين تحضرينه مجمد في الفريزر مغسل وموزع حق وجبة بنفس الطريقة واذا جا وقت الطبخ تاخذين اللحمة من الفريزر وهي مجمدة وتحطينها في قدر الطبخ وتصبين عليها الماء الكافي للطبخ وتحطينها على النار على طول وهي مجمدة مع الحرارة تتفكك وتنضج
..التحضير المسبق للخضروات وحفظها مجمدة في الفريزر تسهل على الزوجة الطبخ وتختصر الوقت حتى لو تاخرت في النوم لين الظهر وماقدرت تقوم تطبخ الغداء بدري التحضير المسبق في حفظ الخضارمجمدةوهي مغسلة ومقطعة يسهل عليها الطبخ في الوقت الضيق
..اتمنى اكون افدتكم .