طريقة حلى عين الجمل الطري واللذيذ لعيووون قــ السعودية ــمر واللي ارسلو على الخاص

مساء الخير لكل الحلوين

أولاً هذا من حلوياتي اللي ابيعها وأنا ماعندي إلا جهاز واحد ما أقدر أسوي أكثر من 8 علب في اليوم فبطلت عنه لانها مرهقه

وميزتها أنها ماتنزل دهن وقت الشغل وخفيفة مو دسمة مرة

لكن لخاطر بنات عالم حواء بعطيكم الطريقة

المقادير:
3 بيضات
علبة زبادي انا استخدم زبادي نادك
ثلاث أرباع كاس سكر
نص كاس زيت
ملعقة كبيرة بكنج بودر
كاس ونص دقيق
رشة فانيليا

الطريقة:
ضعي في الخلاط كلا من (البيض - السكر - الزيت - الزبادي -الفانيليا )
وبعده صبيها على الدقيق والبكنج بودر واعجنيها فبخفاق البيض ولاحظي إذا كان البيض من النوع الكبير زيدي شوي من كمية الدقيق يعني ملعقة أو ملعقتين

الآن أدهني الآلة بالزيت بعد ما تحمى حتى ماتلصق العجينة وابدأي شغل استخدمي ملعقتين صغيرة لان العجينة شبة سائلة

التوفي طبعاً طريقة توفي أختي روج أحمر

يالله جربوها وقولوا لي عن النتيجة