طريقة (حوطيه حلوه) تفتح لونك بأسبوع وبدون حوسه و ريحه و خلط كريمات

هلا بنات شخباركم ان شاءالله تمام

بنات جبت لكم طريقه روووووووووعه و نتيجتها في اسبوع
وزي ما قلت لكم لا حوسه ولا ريحه ولا شي

تدرون وش تسون


بعد ما تتروشين و تنشفين جسمك عدل جيبي زيت اللوز الحلو حق الشعر
وادهني جسمك فيه تمام ادهني كل جسمك
واقعدي شوي حوالي عشر دقايق عشان بشرتك تتشرب الزيت و بعدين البسي ملابسك عادي ولا راح تتوصخ ملابسك ولا تدبق ولاشي

واليوم الثاني اذا جيتي تتروشين تروشي بصابونة البابايا خذي النوع اللي يجي شفاف و من داخل فيه قطع هذا احسن نوع اما اللي شكلها عادي تراها خرطي

المهم افركي بنفس الصابونه على جسمك كله
وبعدين البسي القفاز اللي من بدي شوب وافركي فيه الصابونه و طفي الدش و افركي جسمك
افكري عدل
وشوفي لون الماي اللي بيطلع منك يا لهوي يا لهوي بلاوي مو مويه

وبعد ما تفركين بضمير غسلي جسمك بمويه واطلعي و نشفي جسمك وادهني بزيت اللوز الحلو
وخليه لحد يوم ثاني وتروشي

والله يابنات استخدمتها اسبوع بس والنتيجه رووووووووووووعه

نظافه و وجسمي فتح وركبي واكواعي فتحت بعد وناويه اكمل كذا على طول :icon28:




بنات ترى بعد ما تطلعون من الحمام يكون جسمكم ناشف من الصايونه عادي اذا دهنتي جسمك بزيت اللوز بروح الجفاف


واللي بشرتهم حنطيه زي انا ترى اذا دهنت جسمها بصير يلمع مره
عشان كذا لو كان عندك مناسبه لا تدهنين جسمك بعد الحمام بالزيت ادهني بلوشن عادي
وبعد ما ترجعين ادهني بزيت اللوز
بس لازم تدهنينه عشان بتكون بشرتك جافه و الجفاف يسبب اسمرار


وهذي صورة الكرتونه و الصابونه


وسلامتكم والله الله بردود السنعه :42: