كيفكم اخواني ان شاء الله تكونوا بخير
بصراحة البارحة كنت بشتري اغراض للبيت وانا ماشية لقيت علبة مكتوب عليها خليط دونات اول مرة بشوفها بصراحة قلت لازم اجربها فجبتها وجربتها وعن جد طلعت خفيفة ولذيذة وبلا عجن وبلا خرابيط وقلت لازم اصورلكم ياها يمكن حدا يحب يجرب تعالوا شوفوا
اولا هي صورة الخليط واسمه بالعربي خليط الدونات
نحتاج الى ماكينة الدونات او ممكن تقلوها بالمقلاية بس هي افضل ومنظرها بيطلع احلى وهي صورتها
نعمل الطريقة متل ما مكتوب عالعلبة كان مكتوب عليها زيدي ماء وملعقة زيت
بعدين اخلطيهم منيح وخضيها منيح منيح وهاتي ماكينة الدونات وصبي فيها الخليط
اتركيهم لحد ما يصير لونهم ذهبي انتبهي ما يحترقوا بس
بعد ما ينتهوا نغطي الوجه بالشوكولاته
واذا حبيبتي ممكن تزينيها شوي للاولاد
ثم نقدمها بالهنا والعافية
يا رب تعجبكم