من بعد ما عرفنا اشلون نخفي الشعر الزائد عن طريق صمغ الرموش
هذى الطريقه الاساسيه لرسم الحاجب
لازم تكون عندنا الفرشه المشطوفه ومشط الحاجب وهم انسب شي
والبديل فرشه عاديه ومشط ماسكرا قديمه ومغسوله ونظيفه
الخطوات
نبتدي بخط سفلي مستقيم
وخلط علوي مستقيم ممتد اكثر
وبعدها نرسم باقي شكل الحاجب لان شكل الحاجب بهذا الجزء يختلف من وحده الى وحده
وبعدها نلون الحاجب كله ونمليه
بالنسبه لي انا حاجبي كثيف ما يحتاج مني تلوين كثير الا من قدام اشوي اضبطه ودائما الونه بالشدو البني او الاسود الخفيف يعني ما اغمج اللون كثير حتى ما يعطيني شكل شرير او قاسي ههههههه
بس في بنات حواجبها خفيفه كلها ممكن ترسمها بالتاتواو تغمج على الشدو
وممكن الطرف اللي قدام نمليه باللون او نتركه مثل ماهو ايضا يختلف من شخص الى شخص ومرات انا اتركه ما امليه كثير بس اخطط الجانبين العلوي والسفلي واترك اللي قدام يبان طبيعي اكثر
وايضا يعتمد مثل ما قلت لكم على شكل الحاجب وعلى المناسبه ايضا
وحتى تبرزي التحديد اكثر اعملي خط بالقلم الابيض تحت الحاجب او حطي اضائه
===================
واذكركم ونفسي ان النمص لا يجوز ومحرم وهي طرد من رحمة الله
وهل تحبي ان تطردي من رحمة الله بسبب كم شعره بالحاجب؟؟؟
ولكن مع كحل مابلييين الكريمي يجنن يا بنات
ترسمون فيه براحتكم مثل الاي لاينر
وتتكحلين فيه داخل العين ولون اسود وثابت ولا يسيح
وايضا ممكن تستعمليه لتلوين الحاجب
وانا اخذت اللونين الاسود والبني
ومعاه فرشته وان شاء الله لما تجربونه راح يعجبكم